Popular Bible Verses from Luk 14

Share

“Mua yo efar ekapiya nain ona wiawi, onak, emeria ne muuka, wiipa, wiamun mikikira me wiinon-na, yo teeria-pa efar ikowa me pepek. Ne pun ona kookalowa me piipuinon-na yo teeria-pa me efar ikainon.

Ne mua ona nomokow moke me akuawep yookinon-na, yo teeria-pa me efar ikainon.

Neemi mua ona unuma wame fakerinon-na, ikoka wiar poraikuan. Ne mua ona unuma wame porainon-na, mua nain unuma wiar purupikuan.”

Naap akena, o mua kuisow maa unowa baliwep kema suuwap mikikira me iwomakep-na, yo teeria-pa me ikainon.”

Maa baliwep kema suuwap onimik. No koora iinan akena kuainen naep-na, kiikir pokap koora naap nain sesa kema suuwinan, maamuma nefar pepek erak-i e weetak. Oko poka muutiw iimarowap-puap koora me weeser-wuinan. Mua unowa naap urufap, nefa firekami nefa amap-niirikuan. Naap nefa maikuan, ‘Mua nain koora welawowa saarik poka iimarowak.’

Neemi enow gelemuta-ko onap-na mua feenap nain wia fare: mua maa marew, oram akena ikemik nain, ne mua napuma onaiya ikemik nain, mua meren samora, mua mokok opa, wi mua naap nain wia fare. Wi mua naap nain no kiripomowa me pepek. Ikoka no manek akena kemelinan, moram ikoka Mua Maneka-ke wi mua kaken eliwa umep ikok iikirow epa-pa no kiripominon,” naap wia maakek.

“Ifer masia pun naap, maa eliwa-ke. Ifera masia dabelalep masia ikiwinon-na kamenap oniwkin masia kiiriw imenarinon? Me pepek. Dabela naap nain manina-pa wuowa ne miiwa afila iwowa pun me pepek, ikoka iirarikuan. Ni ifan onaiya ikok-na opora fain baliwep akena miimeka,” naap maek.