Popular Bible Verses from Yohaana 13

Share

Nimbaha ekiragiro kisya nti: Mukundane; nk'oku naabakunzire, naimwe mube nikwo mwakundana. Ku muriguma nimukundana, nibwo abantu boona baribamanya ku muri abeegi bangye.

Mbwenu ku ndaabe naabanaabisa ebigyere, haza ndi Mukama waanyu kandi Omwegyesa waanyu, naimwe kibashemereire kunaabisana ebigyere; ahakuba naabaha eky'okureeberaho, ngu naimwe mukore nk'oku naabakorera.

Yesu yaagarukamu naamugira ati: Eki ndikukora torikukimanya; kwonka oryakimanya bwanyima.

Buzimazima nimbagambira nti: Omuhuuku takira mukama we; kandi n'entumwa tekira ogitumire.

Ku muraabe nimumanya ebyo, muhiiriirwe mwaba nimubikora.

yaaruga aha by'okurya, yaajuura eby'okujwara bye, yaakwata ekitambaara, yaakyezirika omunda. Yaashuka amaizi aha kinaabiro, yaatandika kunaabisa abeegi be ebigyere n'okubiragarisa ekitambaara eki yaabaire ayezirikiise.