Popular Bible Verses from Yohaana 7

Share

Orikuunyikiriza, emigyera y'amaizi g'amagara eryahimintuka omunda ye, nk'oku Ebyahandiikirwe bigamba.

Aha izooba ry'aha muheru ery'ekiro kikuru ky'obugyenyi, Yesu yaayemerera, yaagamba n'eiraka rihango ati: Omuntu weena, ku araagire eiriho, aije ahariinye, anywe.

Ekyo akaba naakigamba aha Mwoyo, ou abarikumwikiriza bariija kuheebwa; ahakuba Omwoyo akaba atakahairwe, ahabw'okuba Yesu akaba atakahimbisiibwe.

Mutaricwa emanja nimwiha aha mireebekyere y'omuntu, mugume mucwe emanja z'oburyo.

Orikwegambira ahabwe, naaba naayesherurira ekitiinisa; kwonka orikusherurira Owaamutumire ekitiinisa, niwe w'amazima, kandi omuriwe tiharimu kutahikiirira kwona.

N'ahabw'ekyo Yesu yaabagarukamu ati: Okwegyesa oku nyegyesa ti kwangye, n'okw'Ogwo owantumire.

Ensi terikubaasa kubanga, kwonka nyowe neenyanga, ahabw'okuba nimpamya ku emirimo yaayo eri mibi.