Popular Bible Verses from Gen 17

Share

Abulamu piŵaliji ni yaka 99, AMBUJE* ŵamwonecele ni ŵamsalile kuti, “Une ndili Mlungu Jwamaciligosope, myoyo mumbikanileje une ndaŵi syosope, soni mtendeje yindu yagoloka.

Lina lyenu ngaliŵa soni Abulamu, nambo Abulahamu,* Lyeleli ni lina lyenu, ligongo namŵisile kuti mŵe nangolo jwa ŵandu ŵa mitundu jejinji.

“Cilanga canguci tinjiciŵika pa cilikati pa une ni m'mwejo ni yisukulu yenu ya msogolo, nipo ticiciŵa cangamala. Une tinjiŵa Mlungu jwenu ni Mlungu jwa yisukulu yenu.

“Aci ni cilanga citilangane ni m'mwejo. Nguŵika cilanga kuti timciŵa nangolo jwa ŵandu ŵa mitundu jejinji.

Mlungu ŵatite, “Iyayi, nambo Sala ŵamkwenu tacimŵelecela m'mwejo mwanace jwamlume nipo timcimpa lina lyakwe Isaki. Tinjisunga cilanga cangu ni jwalakwe pamo soni ni yisukulu yakwe, nipo cilangaco ticiciŵa ca yaka yosope.

Tinjipeleka kwa m'mwejo ni yisukulu yenu, cilambo cimkutama mpela mlendo cino. Cilambo cosope ca Kenani ticiciŵa cenu pamo ni yisukulu yenu mpaka kalakala. Une soni tinjiŵa Mlungu jwawo.”

Abulahamu ni ŵatindiŵele ni ŵajinamile pasi. Ŵatandite kuseka, ŵatite kuti, “Ana jwamlume jwa yaka 100 mpaka aŵelece soni mwanace? Ana ŵamkwangu Sala ŵakwete yaka 90 mpaka aŵelece mwanace?”

Mlungu ŵatite kwa Abulahamu, “Salayi ŵamkwenu lina lyawo ngaliŵa soni Salayi, nambo Sala.

Kutandilila sambano mwumbaleje: celeci ticiŵe cilocesyo ca cilanga pasikati pa une ni jemanja.

Nambo tinjisunga cilanga cangu ni mwanace jwenu Isaki jutacipagwa mwa Sala ŵamkwenu, ndaŵi mpela jinojino caka ca malaŵi.”

Mumwumbasyeje mwanace jwamlume jwalijose ali akwanile masiku msano ni gatatu cipagwile cakwe. Mumwumbasyeje mwanace jwamlume jwalijose pa mipago jenu josope, mlukosyo kapena kapolo jwele jumwamsumile kwa mundu jwa cilendo jwangaŵa mbumba jenu. Jwalijose akwenela kuwumbala,* nipo celeci ticiciŵa cilocesyo ca pa cilu cenu, cakulosya kuti cilanga cangu ni jemanja cili cangamala.