Popular Bible Verses from Gen 21

Share

AMBUJE* ŵampele upile Sala, ni ŵamtendele yindu yele yiŵapangene najo, mpela mwele AMBUJEWO ŵaŵicile cilanga.*

Mlungu ŵakupikene kulila kwa mwanacejo, nipo lilayika lya Mlungu lyaŵecete ni Hagala kutyocela kwinani, kuti, “Ana m'mweji Hagala, cikumsawusya cici? Mkamjogopa pakuŵa Mlungu akupikene kulila. Nyakukani, mjawule mkamnyakule mwanacejo ni mkamyalasye, ligongo tinjimpa yisukulu yejinji mwanacejo.”

Sala ŵakwete cilu ni ŵamŵelecele Abulahamu* mwanace jwamlume mu ucekulu wakwe. Mwanace jwelejo ŵapagwile pa ndaŵi jisyesyene jiŵasasile Mlungu kuti mwanacejo tacipagwa.

Sala ŵatite, “Mlungu ambele ciseko, mundu jwalijose jutajipikane nganiji tijimsecesye.

Nambo Mlungu ŵatite kwa Abulahamu, “Mkamdandawula ya mwanagwenu Ishimaeli ni kapolo jwenu Hagala, cilicose cakumsalila Sala mcitende, ligongo Isakiju ni jutaciŵa nangolo jwa yisukulu yenu, mpela mwele munatendele cilanga.

Mwanace jwa kapolo jwenu jwamkongwejo tinjimpa soni ŵanace ŵajinji, nipo taciŵa mtundu wawukulungwa, ligongo jwalakwejo soni ali mwanagwenu.”