Popular Bible Verses from Luk 9

Share

Kaneko Yesu ŵasalile ŵandu wosope ŵala kuti, “Naga mundu jwalijose akusaka kuŵa jwakunguya une akwenela kuleka yiwukusaka mtima wakwe, nipo anyakuleje msalaba wakwe lisiku ni lisiku ni kunguya.

Naga mundu jwalijose akusaka kuwukulupusya umi wakwe, taciwujasa, nambo jwalijose jwakwasa umi wakwe ligongo lya une taciwukulupusya.

Yesu ŵatite, “Mundu jwatandite kulima aku ali mkulola munyuma jwalakwejo ngakuŵajilwa mu Ucimwene wa Mlungu.”

Ana mundu tapindule cici naga akwete yindu yosope ya pa cilambo capasi pano, nambo pambesi pakwe ni kwasa umi wakwe?

Naga mundu akutenda soni ligongo lya une ni kulalicila maloŵe gangu, nombe uneji Mwanace jwa Mundu tinjimtendela soni jwalakwejo pa ndaŵi jitaciyika mundujo mlumbili lwakwe ni mlumbili lwa Atati ŵakwinani pampepe ni acimalayika ŵaswela.

Yesu ŵatite, “Makule gakwete mbanga syakwe, soni yijuni yikwete yisusi yakwe, nambo Mwanace jwa Mundu nganakola palipose pakuti agone ni kupumula.”

Kaneko ŵasalile ŵakulijiganya ŵakwe ŵala kuti, “Jwalijose jwakumpocela cenene mwanaceju ligongo lyakuti jwalakwejo ali jwakunguya une ni kuti akumbocela une. Jwakumbocela une cenene ni kuti soni akwapocela Atati ŵiŵandumile une. Pakuti jwali jwamnondi pasikati penu jwalakwejo ali jwamkulungwa.”