Popular Bible Verses from Yai 6

Share

Pi manono, oti iwace jo me Isirael be, ‘Ango en Rwot, abino gonyo wu ki tice atek kame jo me Misiri dio wu timo, di ako lako wu ki bedo ipasoi gi. Abino lako wu kede twer na adwong kame bino timo tice me aura pi mino gi alola.

Abino mino wu ibedunu jo na di ango ako bino bedo Rubanga wu. Ibinunu ngeno be ango en Rwot Rubanga wu, ngat kogonyo wu ki tice atek kame jo me Misiri dio wu timo.

Abino tero wu i lobo kame bin ango akwongere pi mino Aburaam, Isaka kede Yakobo, di ako bino mino wu lobo nono pi doko meru. Ango en Rwot.’ ” Musa oko waco ne jo me Isirael kope nogi, do gin kiko dagi winyo kope mege pien cuny gi oudo odubere pi tic atek kame kotie dino gi timo, pien gin kibedo ipasoi.

Rwot oko waco ne Musa be, “Nan ibino neno gikame abino timo ne Parao, abino tic kede twer na di en eko weko jo na yai, kom ebino riamo gi ariama pi yai ki lobo mere.”