Popular Bible Verses from Yai 7

Share

Rwot oko waco ne Musa be, “Neningo, ango abino mini idoko bala Rubanga i but Parao, do omini Aaron ko bino bedo bala enabi nin.

Do ango abino mino Parao bedo ngaekanya, di eko dagi winyo kope wu, akadi di ango atim gianena kede giaura atot i lobo me Misiri. Ingei manono ango ako bino kelo alola alit twatwal i kom jo me Misiri di ako telo jo na wok ki Misiri, jo me ekeko acelacel me anywali me Isirael di lubere aluba.

Jo me Misiri ko bino ngeno be, ango en Rwot, kakame ango abino tic kede twer na pi kelo can i kom jo me Misiri di ako kwanyo jo me Isirael ki lobo gi.”

Parao oko lwongo jo mege angengeo piny kede imuroko; di jo atimo tangu nogi da oko timo kamanono kede diru gi. Ngat acelacel kibut gi ouco ebela mere piny di kiko lokere kidoko twole; do ebela ka Aaron oko mwonyo mergi.

Pi mano, Rwot owaco be gikame en eyaro timo bino mini ingeo be ateteni en ebedo Rwot. Neningo, ango abino juto pii me ecilet me Nail kede ebela kame tie i cinga ni, di pii ko bino lokere doko remo.

“Ka Parao owaco be, ‘Timunu giaura,’ in Musa ibino waco ne Aaron be, ‘Kwany ebela ni di iko uce piny i nyim Parao, di eko bino lokere edoko twol.’ ” Aso, Musa kede Aaron oko ot but Parao di kiko timo bala kame Rwot oudo ociko negi; Aaron ouco ebela mere piny i nyim Parao kede jotic mege adongo, di eko lokere edoko twol.