Popular Bible Verses from San Lucas 5

Share

C'oya ti yivaclhitesh ti tasinôy pa yiyôjaa ja Simón pa yit'esha: —Môôjelhsham nava aschatiyelh na lhjôvcha ca uelhsham.

Pa yicuulh ja Simón pa yit'esh: —Vanqu'eyjatsjan, javo'tajelh ca jonshajaclay taj ninôscôjôôyshelh pa'na taj ti lhteesh avaatsha ca ju'jam lha yischaat. Pa yisnatesh pan lhnônashesh, pa lhechesh pa acloj pava sajech ti yicô'jôyesh, pa yic'asesh'ôcji lhpa lhaschaat.*xp*

Pa yichey pa Jesús pa cotsjaat ampapu ca nôv'e' pa t'aalh.

Ninamey papi yit'eshlhavne ca nivo'yeshch'e, vooy papi sasch'e lhavos jayôney jayu ca nitatvaych'aclajesh pa lhfanishlhavach.

Pa yi'van ja Simón Pedro cavôque, pa t'acjatsuy'e t'ajuyish pa Jesús pa yit'esh:, —¡Ayyijop, Lhcaanvacle, lhayaash yivaatsha ya nivacle ti sasch'e yivo'!

Pa yicuulh pa Jesús pa yit'esh: —Nisuyeeshemshi papi ampa can jumtee pa vatcafetatsi lhavo', vooy papi aôytes'in suyshemshi.

Pa yitojoney pa yim'ech'e pava lhôvjatshiyis, pa lhech yimônlhanit'e lhacôm'a, pa tanaôycheelh pa Jesús.

P'alha ti yie' ja yitsaat pa Jesús, pa namey pa ve'lha nivacle tashtôtay. Pa yi'van pa Jesús pa tanjuyshicham pa yamja cotsjaat pa yit'esha ti t'a'lha: —Lhcaanvacle, at'eshyiyaam ca ats'ilhjen. Pa lhechesh pa t'ajayesha pa lhpôcôt, pa yit'esh: —Jech, jayeesh ca c'alhjen. Pa tatsha ti yivômjatesh pa lhashtôtaj.

Pa lhne'yajesh pa Jesús ve'lheesh yinesh'apee pa lhfanishesh. Pa acloj papi nivacle ti nayjatva'ne ca jaspa nipe'yeesh, pa nivatsjanesha'ne pava lhayyashac.