Popular Bible Verses from San Marcos 13

Share

Chinacônitshielh'apee jayu jum, lhayaash ti lhanc'ashamyishelh lhayaash ti nafiyshelh'anôcji papu ca namjatajeshch'e cavôque ca nôjtajeshch'e na nalhu, pa lhech ti chiyilhjen jayu.

“Avôntôyitelh'in jum, yajateesh ca a'lhelh, lhayaash ti ninatô'yelha pa ca t'aplhua ca navclantaj cavôque.

Ca lhech lhayaashtaja ca anôôcfatajelhsha'ne ca chinachaajtajelhey pa lhcaanvacle vatvanc'ôcfajayte lhavo' pa ya aj ca atanapunshelh pa ca at'eshelh jayu, lhayaash ti caaj jayu ja Espíritu Santo tasinôyelh'am jayu. Nôque lhjunash ti tanca alhecheelh ca aclishayaelh pava ca eetajeshelh.*xc*

Nôjeshch'e jayu na vôôs shi' na cotsjaat, lhan'e nava yiclishay pa tan ca nivôôm.

“Cavôque pa ca lhc'aplhutaja pa lhnalhu ca navclantaj, ampapu ca nitô'ya, vena ti nintô'ya japi ángeles yiey na vôôs, nintô'ya shta na Lhaôs. Ve'lha ja Lhtata ti yitô'ya pa t'aplhu' jayu.

“Ca aya'tajelhjulh papi vatclônsha'ne, ja't'ajesha papi vatjumtivatjulh ca nivatclônsha'ne, ya aj ca anjova'yelhshi, lhayaash ti lhech lha lhjunash tatsha jayu; taj ti nilhecha ca ninaôclheeshc'oya jayu ca nôjeshch'e jayu pava nalhus.

Ovalhelh'atapee jum, lhayaash ti tanca anchava'yelhjulh jan yitsôtajesh na jpôyich ca natpectaj. Ama lhapesh ca nam ca nich'a nit'eysheytaj pa vôtôjôj, ja't'ajesha ca claafnalhutaja; secl'esh ca meelh lhôn ca yalhalhaa ca ninamtajelh'a, ca ya aj ca nicôjôseshelh'atsham'in ca amôelhch'esha'ne. Nava jayeetshelh'a nôqueesh, jayeetshema shta lhacôm'a nap'elh: Ovalhelh'atapee jum.

Lhayaash ti vatjutsa' jayu ca nivatcôvfachi lhacôm'a java yitsates shi' lhacôm'a java vatcootsjativshay; na yie' jayu pa nayuuynayuych'e na cotsjaat, vaclan jayu shta pa yipcu' shi' pa vatayyasha lhanô'. Nôque lhjunash jayu yamjey ca nich'a nitôôlhtajesh'e pa aôytej jayu jum.

Lhayaash ti suyeshi jayu ca namey lhac'o' lhacôm'a napi yie' na cotsjaat cava Dios lhasinôc ca chinanfacleem.

Lhayaash ti acloj jayu papi nam yit'eshlhavne jayu: ‘Yivaatsha ya Cristo’; papi lhech acloj jayu papi yicôjôsjat.

“Vooy avaatsheelh avôntôyitelh'in ca lhech lhayaashtaja, lhayaash ti chinachajelhey jayu pa lhanvacleesh papi vatvanc'ôcfajayte lhavos. Pa lhechesh pa chinachajelh'ôcji jayu pava vatvanqu'eyjatsjanjavtes, pa lhech chinaneshelh'e ca chinaclônelhsham'in jum, chinanôtitelhsha'ne jayu. Jô'tajesh ti chinavatsevatjatelh'e t'ajuyish papi us lhcaanvacles, taj ti ya'lhech ti tôlhyi', jaspa ats'ôôclhanitelha.

Lhayaash ti caaj jayu papi tanôôlhjônchatesh jayu ca Cristocla, ja't'ajesha papi nivacle tanôôlhjônchatesha'ne jayu ca nivanqu'eyjatsjansha'ne ti nichinvancha'yesh pa cat'elheesh. Lhech papuque nôclit jayu pava ninvôôtôyesh, ve'lheeshey ti yitô'yish ts'ivee, taj niyijôa cavôque lhfanishesh, jaspa vancacôjôsjatesh jayu, yeneshch'een jayu papi isissha'ne chiyvooyshi ca nicôjôsjatesh.

“Pa meelh ca namtajeyshi pava lhech nalhus ca nôjtajeshch'e pa uj vatacshinjayash, pa yie'jop jayu ca nimac na jumcuclaay shi' na jive'cla tanca pjumtseja t'ôyish'e,*xh* *xi* nava catiis nicôtch'esha'ne jayu, shi' pa t'unaj na vôôs nayuuynayuych'e jayu.*xj* *xk*