Popular Bible Verses from Zhan 14

Share

“Anwɔwɔ de me teze nyɛ̀n hán nɔn, m'anwɔwɔ de mɛ tán nyɛ̀n nɔn. Mɛ́n sɩ́ tán nyɛ̀n anwɔwɔ kɛ hán ɔmu le ɛnhibù kɛ tán nɔn. Nyɛ́n bɩ́ dú ɛnkrɛta-kuemɛ̀n, ɛnjansù ke bɩ́ ẅɛn nyɛ̀n.

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

“Nyɛ́n bɩ́ dú ɛnkrɛ̀ta-kuemɛ̀n, ɔmu lɔ de Zhezü kɛ dɔ́ yɔ nɔn. Nyɛ́n bú Ɔwɔ ankà nyɛ́n tán ankàẅì, ô nyɛ́n bú m'ankà mán nyɛ́n tán ankàẅì.

Ɔwrɔn léyi kɛ lɛ wá nyɛ̀n ɛkɔrɛ̀, Ɛnhɛ́n Prɔnprɔn léyi Dade ke le yüre m'ebɩ́mɛ̀n nɔn, ke le yé nyɛ̀n eci lɔ fɛn, kɩ ke le kore nyɛ̀n ankà lɔ fɛn léyi mɛ̀n dɔ́ nyɛ̀n nɔn.”

“Ɔwrɔn léyi kɛ ẅɛn m'ɛnyanmàn lɔ, hɩ kɛ hán n'ɛkɔrɛzì-ci nɔn, nyàn ɔwrɔn léyi kɛ cüɛn mɛ̀n nɔn. Dade kɛ lɛ cüɛn ɔwrɔn léyi kɛ cüɛn mɛ̀n nɔn; mɛ̀n mán mɛ lɛ cüɛn nɛ̀n, kɩ me le yé nɛ̀n m'edomɛ̀n.”

Mɛ lɛ sán Dade kɛ̀ tán nyɛ̀n ɔwrɔn nyantɛn tɔ̀n kɛ wá nyɛ̀n ɛkɔrɛ̀, annanwɔrɛ Hɛ́n Prɔnprɔn, ô nɛ̀n dú nyɛ̀n ɛmɛ̀n ɛnvra lɔ fɛn. Ɛnhibù ke sɩ̀ bɩ́ nɛ̀n rɔ́, ɔmuhi nɛ́n sɩ̀ kán yi, kɩ nɛ́n sɩ̀ nyri yi rɔ́ nɔn. Tɛ́n nyɛ́n, nyɛ́n nyri nɛ̀n, ɔmuhi nɛ́n mɛhi nyɛ́n dù, kɩ nɛ̀n dú nyɛ̀n ɛmɛ̀n nɔn.

Kɩ mɛ lɛ hán ɛci hɔ̀n lɔ fɛn léyi nyɛ lɛ sán m'ebɩmɛ̀n nɔn, ô Ɛnẅì kè yé nɛ́n Zi ci-zrɔ lɔ. Ke dú kɛ nyɛ sán mɛ̀n eci m'ebɩmɛ̀n hô, mɛ lɛ hán eci lɔ.”

“Ke dú kɛ nyɛ cüɛn mɛ̀n hô, nyɛ lɛ ẅɛn m'ɛnyanmàn hɔ̀n lɔ nyɛ́n hɛ́n.

Ɛyri bobrebe dú Dade bɩ́ lɔ mɛ̀n kɩ mɛ hɔ̀n mɛ̀n hán ɛyri tɔ̀n mɛ̀n hɛ́n nyɛ̀n hán. Ke dú kɛ kè sɩ̀ dù annànwɔrɛ hô, mɛ́n sɩ̀ dɔ́ nyɛ̀n.

Kɩ ɛnvra léyi mɛ lɛ hɔ̀n mɛ̀n hán ɛyri lɔ nɔn, me le vru mɛ̀n và kɩ me le bɩ́ nyɛ̀n mɛ̀n sɩ́ ɛtɛ̀sɛ̀n, ô ɛyri léyi mɛ́n dù nɔn, nyɛ́n mán nyɛ́n dú nanvrɛn.

Toma kɛ dɔ́ nɛ̀n le: “Ɛẅɛnwrɔn, bɔ̀ sɩ̀ nyrì ɛyri léyi ɛ hɔ̀n nɔn. Awɔntan de bɔ́ lɛ hán bɔ́ nyri ɛnlevri lɔ nɛ́n?”