Popular Bible Verses from Luka 3

Share

Yana abatisama bato basusu, Yesu abatisama pongono. Yana angaka yo, Diko didipoama oko bodipoama, na Mwembo Mosɛnɔke motita ai yo o ekɔmɛli esungu. Kɔpi emana koko oho Diko bo, Wɛ odi Mwana’mbi ongɛnjɔ. Nadi na sepi enɛnɛ a mojɔ mowɛ.

Yoane ko abasɔmbeja, abala na bu basusu bo, Mbi nabatisaka no oko a madiba. Okina otongo ko akɛkɛ adoe yona onɔi mbi na ngulu. Mbi nitabɔngɔ bo nacingoe licinga lisapata jinde. Iyo adi bobatisa no a Mwembo Mosɛnɔke na a mosa.

Anejani bikɔmɛli a bongameja dosa linu. Yɛni bobala bo, Abalayama adi tata osu. Mbi natɔndɔkɔ no bo Njambe abwani botomba matai ma bo angɔjɔe bana ai Abalayama.

Epondo esambi edɛye a cina jimele. Mole mobotiti mbuma jipele môkwɛlɛmɛ, na môdumbama a mosa.

Mojɔ momina mosɔnɔmɔ boa a mokanda momotɔndɔi Yisaya bo, Kɔpi emoto yona obekoaka a lisobe bo, Sɛlingoani mokɛngɛ moKumu; Tangbojani njea jinde. Mibukubɔngɔ misusu miluma; Meno minɛnɛnɛ na mikɛkɛlɛkɛ mîda yeyi; Makulu masusu mâtangboa; Njea jia jidi na bibubɔndɔ jitambuma, Bato basusu bânɛ boheleja boNjambe.