Popular Bible Verses from Malako 16

Share

Abala na bu koko bo, Kɛni a ngondo esusu; tɔndɔni bato basusu boya Mwâko Mopele.

Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo. Bâpea njɔ na tnɔmɔ, na baka’mwaka ekina eka yena ebwani bowa, batapeka nongo. Bâbakea mɔmɔ mabu ai bato babego, na badi bohela.

Yona ôjima na ôbatisama a kombe embi âhela. Yona odi pɛ bojima ko âdumbama.

Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.

Iyo ko abala na bu bo, Yɛni bobanga! Odukakani Yesu oNasaleta yona ogwabi a mole-mobokea. Iyo angɔi a bogwa. Aditi nongo ya. Anjani esika edaka yo asambi.

Yana ko anja bo, banɛ bo litai lima hilingojama. Akwea bo a esɛmɔ, banɛ okina mwenga yona odaka na mobondo a dɔngɔ diebɔ ebami, na alwaka kasaka eyai epu. Ibo bagasima na bɔ.