Malako 16
16
Yesu AngÉ” a Bogwa
1Iyana asia busa boSabata, Malia oMagadala, Malia nange eYakobo, na Salome, basomba malasi bo bakɛe a bomosuoa malasi. 2Bakɛ a esɛmɔ a busa boboso, oko ehuma mɛnɛ yana ahoa busa. 3Bahɔjɔnɔ bo, Odi bohilingoja litai a mojɔ mosu nda, a bodipoa monɔkɔ moesɛmɔ? Mojɔ bo litai limina lidaka linɛnɛ mɛnɛ. 4Yana ko anja bo, banɛ bo litai lima hilingojama. 5Akwea bo a esɛmɔ, banɛ okina mwenga yona odaka na mobondo a dɔngɔ diebɔ ebami, na alwaka kasaka eyai epu. Ibo bagasima na bɔ. 6Iyo ko abala na bu bo, Yɛni bobanga! Odukakani Yesu oNasaleta yona ogwabi a mole-mobokea. Iyo angɔi a bogwa. Aditi nongo ya. Anjani esika edaka yo asambi. 7Kɛni ko; tɔndɔni bacingami bande na Pɛtɛlo bo yo akɛkɛ boso bonu a Galile. Odini bomonɛ oko oho, o abala yo na nu. 8Bali bamana a esɛmɔ, na bacia, mojɔ bo badaka na bɔ na mongongoma. Baijebeja ko nongo moto, mojɔ bo badaka oko na bɔ.
Yesu Anɛnɛ na Bacingami
9Yana amana Yesu a esɛmɔ a busa boboso, asaboloja boso mɛnɛ ai Malia oMagadala yona oma hela na nde a miembo mibe sambo. 10Iyo akɛ a botɔndɔ bacingami bande yana ayeaka bo kɔndɔ. 11Ibo ko, yana aka ’bo bo Yesu adi mɔ, na bo yo amonɛ, baijima nongo. 12Ngɔngɔ jimina, asaboloja ai bakina babu babae na elimo etongo, yana adalaka bo a njea eesika. 13Bahula a bojebeja bacingami batongo; ibo ko baijima nongo.
14Suka mɛnɛ, asaboloja ai bacingami domi-na-omɔci yana adaka bo a mesa. Alemoa na bu cina ekitɛ ebu, na a mojɔ mobopipo bomilema mibu, mojɔ bo baijima bato baya bamonɛ yana angɔ yo a bogwa. 15Abala na bu koko bo, Kɛni a ngondo esusu; tɔndɔni bato basusu boya Mwâko Mopele. 16Yona ôjima na ôbatisama a kombe embi âhela. Yona odi pɛ bojima ko âdumbama. 17Baya bâjima badi bokɔ bimbete bi; lɔâmeja miembo mibe a kombe embi. Bâbala na kɔpi jitongo. 18Bâpea njɔ na tnɔmɔ, na baka’mwaka ekina eka yena ebwani bowa, batapeka nongo. Bâbakea mɔmɔ mabu ai bato babego, na badi bohela.
19Oko boa, yana abala yo na bu, Kumu Yesu atombama oho Diko, na ada a ebɔ ebami eNjambe. 20Ibo ko bakɛ, na batɔndɔ Mwako Mopele a bisika bisusu. Kumu abakɔmeja a elomu, na angameja Ebaeli na bimbete bia bidaka bicingi na Ebaeli.
Currently Selected:
Malako 16: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
