Popular Bible Verses from Bisalu Ya Bantumwa 2

Share

Petelo tubaka kwa bau: Beno pindula mabanza ye botikwa muntu na muntu mu nkumbu ya Yesu Klisto, kwa mvidisilu ya masumu ya beno, ye beno tabaka matabisi ya Mpeve Yanlongo.

Bau vandaka ngolo mu malongi ya bantumwa, ye mu kintuadi, ye mu kubukuna ya mampa, ye mu lombilu.

Bau yonso fuluswaka na Mpeve Yanlongo, bau yantikaka kutuba mu tudimi yankaka, bonso Mpeve pesaka bau ndinga kutuba.

Nswalu ndinga katukaka na zulu bonso mupepe ya ngolo ya ntinu. Yo fulusaka nzo yamvimba ya bau vandaka. Tudimi mpilamosi ya tiya monikaka kwa bau, ye kabanaka ye vandaka va bau yonso mosi mosi. Bau yonso fuluswaka na Mpeve Yanlongo, bau yantikaka kutuba mu tudimi yankaka, bonso Mpeve pesaka bau ndinga kutuba.

Kilumbu na kilumbu bau vandaka ngolo mu kintuadi mu tempelo, bau bukunaka mampa mu nzo ya bau, bau bakaka madia ya bau na kiese ye ntima ya mpembe. Bau zitisaka Nzambi ye monaka nlemvo na meso ya bantu yonso. Kilumbu na kilumbu Mfumu tulaka sikamosi na bau bankaka ya vuluswaka.

Nzambi tubaka: Yo tavanda mpilayai mu bilumbu ya nsuka. Mono tatiamuna Mpeve ya mono va nsuni yonso, bana ya beno ya babakala ye bankento tabikula, batoko ya beno tamona mona-meso ye bambuta ya beno talota ndozi.

Bau yonso ya kwikilaka vandaka sikamosi, ye vandaka kitezo mosi na mambu yonso. Bau tekaka ntoto ya bau ye bima ya bau, ye kabaka yau kwa bau yonso, bonso vandaka nsatu ya muntu na muntu.

Yo tavanda, konsonani ya binga mu nkumbu ya Mfumu tavuluswa.

Ntangu takituka mpimpa ye ngonda takituka menga, buna kilumbu ya Mfumu takwiza, kilumbu yina ya nene ye ya nkembo.