Popular Bible Verses from Malako 13

Share

Bantu yonso takuwila beno makasi sambu na nkumbu ya mono, kansi yandi ya vibidila ti na nsuka, yandi tavuluswa.

Dikeba, tomatala, ye lomba, kadi beno zaba ve bu ntangu yina takwiza.

Kansi bu bau nata beno ye yekula beno, vanda na mabanza ve nki beno tatuba, kansi konsonki ya tapeswa kwa beno mu lokula yina, beno tuba yau, kadi ikele beno ve ya ikele kutuba, kansi Mpeve Yanlongo.

Zulu ye ntoto tamana, kansi mambu ya mono tamana ve.

Kansi kilumbu yina ye lokula yina muntu mosi zaba ve, banjo ya zulu mpe ve, Mwana mpe ve, kansi Tata kaka.

Bu beno kuwa bamvita ye nsangu ya bamvita kutita ve, mambu yina fwiti kwiza kansi nsuka ikele ntangu yai ve.

Sambu na yai, tomatala kadi beno zaba ve ntangu ya mfumu ya nzo takwiza, keti nkokila keti kati-kati ya mpimpa keti na nsusu kudila keti na suka-suka; keti yandi takwiza nswalu ye mona beno na tulu. Kansi mambu ya mono tubaka kwa beno, mono tuba kwa bantu yonso: Tomatala.

Kadi makanda ya bantu tanwana na makanda ya bantu, ye kimfumu tanwana na kimfumu, kunikuna ya ntoto tavanda mu sika yankaka, ye malema tavanda. Mambu yina ikele luyantiku ya nsongo.

Kansi nsamu mbote fwiti kusamunwa ntete kwa makanda yonso ya bantu.

Mingi takwiza mu nkumbu ya mono, kutuba: Mono ikele yandi, bau takusa mingi.

Kansi beno kibeni tomatala. Bau tayekula beno kwa bamfundisi, mu nzo ya sambilu bau tabula beno, Beno tatelema nantwala ya banyadi ye bantinu sambu na mono, sambu na kitemo kwa bau.

Kadi baklisto ya luvunu ye bambikudi ya luvunu tatelema ye songa bidimbu ye nyitukulu, kukusa basolwa kana yo lenda.

Mu bilumbu yina nanima na mpasi yina ntangu takwiza ndombe ye ngonda tapesa mwini ya yo ve. Bambwetete takubwa tuka zulu ye ngolo ya zulu tanikuka.