Popular Bible Verses from Malako 14

Share

Yandi tubaka: Aba Tata; Mambu yonso lenda kwa nge, katula kopo yai na mono, kansi bonso mono zola ve, kansi bonso nge zola.

Tomatala ye lomba, na beno takota mu mpukumunu ve. Mpeve ikele kuzola, kansi nsuni ikele lebakana.

Kieleka, mono tuba kwa beno: Konsosika ya nsamu yai ya mbote tasamunwa mu nsi yamvimba, yai ya yandi salaka, tatubwa kubambuka yandi.

Yandi tubaka kwa bau: Mwela ya mono ikele kufuluka na ntantu ti lufwa, beno vingila awa, ye tomatala.

Bu bau vandaka kudia, yandi bakaka dimpa, bu yandi sakumunaka, yandi bukunaka yo ye pesaka kwa bau, ye tubaka: Beno baka, yai ikele nitu ya mono.

Ye yandi bakaka kopo, bu yandi imene kupesa matondo, yandi pesaka yo kwa bau, ye bau yonso kunwaka yo. Yandi tubaka kwa bau: Yai ikele menga ya mono ya luwawanu yampa, ya tiamuka sambu na mingi.

Yesu tubaka kwa bau: Beno yonso tatesa sakuba, kadi yo ikele kusonama: Mono tabula mvungi, ve mameme tamwangana ndambu na ndambu.

Telema, bika beto kwenda, tala, yandi ya yekula mono ikele mfinama.

Yesu tubaka kwa yandi: Kieleka mono tuba kwa nge: Bubu yai mu mpimpa yai ntete na nsusu dila mbala zole, nge tabuya mono mbala tatu.