Popular Bible Verses from Matayo 24

Share

Ko nganji en’etema ben’ato bike engohola nko ncici, lacin’oka bowe boyasokwa nko nsokwa. Koko boto onocindelana locinji yengoko nsimbo, ende angikyama.

Ko bosimo’one bona lifoka bongosekodyama ena loko lohalotu yoka ndembi eneyali baise benyanga behetu: ena mbus’eho esimbelo engoya.

Ko bongoka besimo ben’ita ko la nkindo in’ita; noka, botakandakandake: ekoli lacina baoyi’ane bailame, koko esimbelo etayele isanga.

Lacina bonyanga bongokana l’onyang’omoi, ko lifoka la lifoka limoi; en’ekala bemoi njoci ina njala ingata ko la bililelo bina loko. Baoyi’ane bahatu bayali yoka limatsako lin’efafo ena lonwa.

Loola la loko banguma, koko baoyi’anami bafumaki tu.

lacina bato bike bangoya ena lina linami, ko bangila, Mbo emi Masiya; ko bangokungya bato bike.

Ko bangokoleky’ino lacina benyame bino, ko bangokoyak’ino; ko benyanga behetu bengokook’ino bowe lacin’ena lina linami. Ko bamoi bike bangokwa l’ekumbelo, ko bangangelana, ko bangokana bowe. Ko basumoli bike bana mpoci bangemala, ko bangokungya bato bike.

Yesu amakutwela, ate, Boongya lilenda, batokokungy’ino

Lacin’eho, boongyaka likolana, lacina Bon’on’oto angoya ena heure enefakanel’ino.

Lacin’eho, botombanyaka, lacin’oka ino bofeya bina bonongi Nkolo enino oya.

Koko ena likambo lina bin’oho la heure eho, efana nko l’oto oneya: la bikima bina loola, la Bona, efan’oneya yengoko Bafango kei.

lacina Bamasiya bana mpoci la basumoli bana mpoci bangemala, ko bangotuma bato ndembi in’ikolo ko l’ikambwa bina mpefa; yombo bainya, tumbe basokokungya basonami mene.

Eyelo ena Bon’on’oto engoyala yok’esike eneki Noa. En’esik’eho, en’oso bon’efela, balaki toma, ko bamelaki, ko basonganaki, ko balekyaki bana ena baala, yengoko bina bonoki Noa otalamaka en’atu, ko iyo bateya, yengoko eneki efela oyaka ko eumolak’iyatu bwo; eyelo ena Bon’on’oto engoyala nkoho.