Matayo 24
24
1Ko eneki Yesu ofolaka en’otumba bona Yakomba, ko aocoa, bakili’anande baoya oyotuma bifakelo bin’otumba bona Yakomba. 2Ko Yesu amalokwela, ate, Bofene bikambwa bine bihitu? Solosolo lakosumol’ino, efana lufe limoko linalingocikala linga likoyi ena liko ya lufe likina linalifafusamaki en’ase.
3Ko enem’end’okisase ena lingonji lina Bilaya, bakili baoy’eneyal’ende ena lokuko, iy’ate, Otosumole, baoyi’ane bangilama en’esik’eya? ko ndembi en’eyelo ene l’ena nsimbo en’esike eka nai? 4Yesu amakutwela, ate, Boongya lilenda, batokokungy’ino; 5lacina bato bike bangoya ena lina linami, ko bangila, Mbo emi Masiya; ko bangokungya bato bike. 6Ko bongoka besimo ben’ita ko la nkindo in’ita; noka, botakandakandake: ekoli lacina baoyi’ane bailame, koko esimbelo etayele isanga. 7Lacina bonyanga bongokana l’onyang’omoi, ko lifoka la lifoka limoi; en’ekala bemoi njoci ina njala ingata ko la bililelo bina loko. 8Baoyi’ane bahatu bayali yoka limatsako lin’efafo ena lonwa. 9Ko bangokoleky’ino lacina benyame bino, ko bangokoyak’ino; ko benyanga behetu bengokook’ino bowe lacin’ena lina linami. 10Ko bamoi bike bangokwa l’ekumbelo, ko bangangelana, ko bangokana bowe. 11Ko basumoli bike bana mpoci bangemala, ko bangokungya bato bike. 12Ko nganji en’etema ben’ato bike engohola nko ncici, lacin’oka bowe boyasokwa nko nsokwa. 13Koko boto onocindelana locinji yengoko nsimbo, ende angikyama. 14Ko bosimo’one bona lifoka bongosekodyama ena loko lohalotu yoka ndembi eneyali baise benyanga behetu: ena mbus’eho esimbelo engoya.
15Lacin’eho, nk’en’oka eehedyo ena nsefo mene eneki Danyele bosumoli otendak’ale yoi aemali en’edye enekyama boeka (ende onanda aongya linonganya ncina), 16iy’anayali ena Yudea balotake ena bangonji; 17ko ende onoyali ena liko y’otumba atakitake oyumola toma en’otumb’onande; 18ko ende onoyali ena lisala atutwake la mbusa otamba bokoto’onande. 19Lokeseli lacin’en’iy’anangoyala l’aemi ko la beale banalomy’ana baele en’ina beho. 20Boonda lacina elotelo enino etoyala en’esike ena lifia, yomb’en’ina bona Sabata; 21lacina bino mene bingenya en’esik’eho, yoka bokotua bonotenya biho ena limatsako lina loko yengoko esik’ene, ko bifenyaki lakina l’okotu’oho tu. 22Yombo esik’eho etakokodyama, tumbe efan’oto onika nko tu; ohonde esik’eho engokokodyama lacin’ena banasonama. 23Koko yombo boto akosumol’ino Mbo lenda, Masiya end’one, yombo Mbo, end’onyi, botimedyake; 24lacina Bamasiya bana mpoci la basumoli bana mpoci bangemala, ko bangotuma bato ndembi in’ikolo ko l’ikambwa bina mpefa; yombo bainya, tumbe basokokungya basonami mene. 25Lenda, mokosumol’ino kum’esike etayele. 26Lacin’eho, yombo bakosumola, Mbo lenda, ayali ena sengelenge, botacoake; Mbo lenda, ayali ena lolu lona lokuko; botimedyake. 27Lacina, yoka bosamb’onoyali lihalihali, yaala en’ili bona Est, ko yenana nk’en’ili bona Ouest; eyelo ena Bon’on’oto engoyala fik’oho. 28Enambi ekoke, mponongoli ingosusana nko meho.
29Koko isasanga ena mbusa ena bino bin’isik’iho, bina bongoyala ficifici, ko ngondo efalolomaki, ko tooto tongokwa ena loola, ko mpamba ina loola ingolidyama; 30nkwaho ndembi ena Bon’on’oto engenya ena loola; ko beloi ben’ato behetu bena loko lohalotu bangofoma befwi, ko bangena Bon’on’oto ayayi ena bailo bana loola la mpamba la bokonde mene. 31Ko ende angotoma bikima binande la lofoso lona bopate lona lokolo mene; ko iyo bangosusanya basonami banande en’ili bena mpongo ih’inei, l’ena nsimbo ina Toola ih’ife.
32Koko bolakamaka l’ekolanya ena bote bona liteli: enayalama bitange binande boolu, ko tokasekase tomatsa limela, ino beya esike ena biane eolama. 33Nk’osamb’oho, eneng’in’oena baoyi’ane bahatu, bongey’oka ende aolama, ayali nk’en’efolo. 34Solosolo, lakosumol’ino, eotwelo ene efumaki yengoko baoyi’ane bahatu bailama. 35Loola la loko banguma, koko baoyi’anami bafumaki tu. 36Koko ena likambo lina bin’oho la heure eho, efana nko l’oto oneya: la bikima bina loola, la Bona, efan’oneya yengoko Bafango kei. 37Eyelo ena Bon’on’oto engoyala yok’esike eneki Noa. 38En’esik’eho, en’oso bon’efela, balaki toma, ko bamelaki, ko basonganaki, ko balekyaki bana ena baala, yengoko bina bonoki Noa otalamaka en’atu, 39ko iyo bateya, yengoko eneki efela oyaka ko eumolak’iyatu bwo; eyelo ena Bon’on’oto engoyala nkoho. 40Bato’afe bangoyala ena lisala: omoi angotolama, ko okina angocikala. 41Bayato’afe bangominyaminya basongu en’eminyedyo: omoi angotolama, ko okina angocikala. 42Lacin’eho, botombanyaka, lacin’oka ino bofeya bina bonongi Nkolo enino oya. 43Koko boongya linonganya yoi line: yombo mene’otumba aeyaki heure en’eyelo ena liya, tumbe atombanyaki ko atit’ocika botumb’onande boolame mbola. 44Lacin’eho, boongyaka likolana, lacina Bon’on’oto angoya ena heure enefakanel’ino. 45Onoyali boombo’ona solosolo la bomwu oka nai? onoki nyangetuke enande oilaka botombanyi bona boloi’onande, lacina af’iyo toma toniyo en’esike enakolana. 46Enengi nyangetuke enande oya, ko asungya boombo ayaile yok’oho, boombo’oho akik’ekiko. 47Solosolo, lakosumol’ino, angil’ende botombanyi bona toma tonatoat’ende tohatotu. 48Koko yombo boombo’oho and’owe, ko aila en’otem’onande, ate, Nyangetuke enami ataye isanga; 49ko aomatsa lifoma baombo banasala l’ende, ko ayale ko ayamele l’iy’analangwa; 50nyangetuke ena boombo’oho angoya en’ina bonotakanedy’ende, ko l’ena heure enefey’ende; 51ko angofoma mpomi, ko angofa liondo linande l’ato ban’esimo: meho engata nko lilelo lina mposoli la nkenyanya en’aino.
Currently Selected:
Matayo 24: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
