Popular Bible Verses from Malako 13

Share

Ko bato bahatu bangokook’ino bowe lacin’ena lina linami; ohonde onongocindelana la locinji yengoko nsimbo, ende angika.

Bolendaka, botombanyaka, ko boondaka, lacin’ino bofeya esik’eho.

Koko yombo bakotol’ino en’etendelo en’akambo, botakandakandake en’oso lacin’ena baoyi banang’in’otenda: bongotenda nko baoyi banangofam’ino en’in’oho; lacina onotenda ef’ino: Bolimo bon’olotsi kongoatenda.

Loola la loko banguma; koko baoyi’anami bafuinaki tu.

Koko efan’oto oneya bin’oho ko la heure eho; la bikima bina loola, la Bona, efan’oneya, yengoko Bafango kei.

Ko eneng’in’ooka besimo ben’ita ko la nkindo in’ita, botakandakandake: ekoli lacina baoyi’ane bailame; koko esimbelo efa meho.

Ino botombanyaka, lacina bofeya esike enengi mene’otumba oya—yombo la likolo, yombo ena kelekele en’oco, yombo enakel’ina, yombo l’okulu; lacina atongoya sasimo, ko atokosungy’ino kuma beci. Yoi linakosumol’emi lasumola bahatu, Botombanyaka.

Bonyanga bonokan’ita l’onyang’omoi, ko lifoka la lifoka; bililelo bina loko bingata en’ili’emoi; ko njoci ina njala ko la bino bangoya nkoho: baoyi’ane bayali yoka limatsako lina lonwa.

Koko ekoli lacina bosimo bon’olotsi bosekodyame eneyali benyanga behetu en’oso.

lacina bato bike bangoya ena lina linami, ko bangila, Mbo emi nk’ende; ko bangokungya bato bike.

Koko boyolendak’inoamene; lacina bangokoleky’ino ena bakita ban’alimo; ko bongofomama mpomi ena basunagoga; ko bongemala en’oso bona gouverneurs ko l’afoka bana rois lacin’enami, yoka ndembi eneyal’iyo.

lacina Ba-Masiya bana mpoci la basumoli bana mpoci bangemala, ko bangotuma ndembi ko l’ikambwa bina mpefa, lacina, yombo bainya, bakungya basonami mene.

Ko en’ina beho, ena mbusa ena bino biho, bina bongocoa fici, ko ngondo efalolomaki, ko tooto tona loola tongokwa, ko bikambwa biniyali ena loola bingolidyama.