Malako 13
13
1Ko enem’end’ofola en’otumba bona Yakomba, omoi ona bakili’anande amosumola, ate, Bolaki, lenda, bokotua bona baufe, ko l’okotua bon’etumba! 2Koko Yesu amokutwela, ate, Oena nde betumb’ene ben’ekolo? Efaataki linga lufe limoi ena liko ya lufe likina linalifafusamaki en’ase!
3Enem’end’okisase ena lingonji lina Bilaya, nko ndendana l’otumba bona Yakomba en’ili’ol’ei, Petelo, la Yakobo, la Yoane la Andelo bamufola ena lokuko, iy’ate, 4Otosumole, esike enengi baoyi’ane oilama eka nai? ko ndembi en’esike enengi baoyi’ane bahatu oolama yenya eka nai? 5Ko Yesu aomatsa oyasumola, ate, Boongya lilenda, lacina batokokungy’ino; 6lacina bato bike bangoya ena lina linami, ko bangila, Mbo emi nk’ende; ko bangokungya bato bike. 7Ko eneng’in’ooka besimo ben’ita ko la nkindo in’ita, botakandakandake: ekoli lacina baoyi’ane bailame; koko esimbelo efa meho. 8Bonyanga bonokan’ita l’onyang’omoi, ko lifoka la lifoka; bililelo bina loko bingata en’ili’emoi; ko njoci ina njala ko la bino bangoya nkoho: baoyi’ane bayali yoka limatsako lina lonwa.
9Koko boyolendak’inoamene; lacina bangokoleky’ino ena bakita ban’alimo; ko bongofomama mpomi ena basunagoga; ko bongemala en’oso bona gouverneurs ko l’afoka bana rois lacin’enami, yoka ndembi eneyal’iyo. 10Koko ekoli lacina bosimo bon’olotsi bosekodyame eneyali benyanga behetu en’oso. 11Koko yombo bakotol’ino en’etendelo en’akambo, botakandakandake en’oso lacin’ena baoyi banang’in’otenda: bongotenda nko baoyi banangofam’ino en’in’oho; lacina onotenda ef’ino: Bolimo bon’olotsi kongoatenda. 12Botoolo angolekya bakune en’ewedi, ko bafango angolekya bon’onande; ko bana bangangela bafango la nyango, ko bangatoma en’ewedi. 13Ko bato bahatu bangokook’ino bowe lacin’ena lina linami; ohonde onongocindelana la locinji yengoko nsimbo, ende angika.
14Lacin’eho, eneng’in’oena eehedyo ena nsefo mene eemali en’edye enefakoli l’ende oyemala—ende onanda aongyake linonganya ncina en’aoyi’ane—iyo banayali ena Yudea balotake en’angonji; 15ko ende onoyali ena liko y’otumba atakitake, ko atatuake en’otumba oyumola iyema meho; 16ko ende onoyali ena lisala atutwake la mbusa lacina atambe bokoto’onande. 17Lokeseli mene eneyal’iyo banayali la baemi ko l’eneyali beale en’ina beho! 18Ko boonda lacina elotelo enino efilame en’esike ena lifia. 19Lacina bina beho bengoyala esike ena bino mene—bino bitaate yok’oho en’oso, ena limatsako mene lin’enunwelo eneki Yakomba onunolaka, yengoko esik’ene, ko bifaataki lakina yok’oho tu. 20Yombo Nkolo atakokodya bina beho, tumbe efan’oto onosokoika tu. Ohonde ende amokokodya bina beho lacin’ena basonami banaki’nd’oyosonelak’endamene. 21En’esik’eho, yombo boto akosumol’ino, ate, Lenda, Masiya ayali mendo, yombo, Lenda, ayali meho, botimedyake; 22lacina Ba-Masiya bana mpoci la basumoli bana mpoci bangemala, ko bangotuma ndembi ko l’ikambwa bina mpefa, lacina, yombo bainya, bakungya basonami mene. 23Koko ino, boongya litombanya. Lenda, mokosumol’ino baoyi bahatu nk’en’oso.
24Ko en’ina beho, ena mbusa ena bino biho, bina bongocoa fici, ko ngondo efalolomaki, 25ko tooto tona loola tongokwa, ko bikambwa biniyali ena loola bingolidyama. 26Nkwaho bangena Bon’on’oto ayayi ena bailo bana loola la mpamba mene ko l’okonde. 27Koko angotoma bikima binande lacina basusanya basonami banande nk’ena mpongo ih’inei, nk’ena nsimbo mene ena loko yengoko ena nsimbo mene ena loola.
28Ko bolakamaka l’ekolanya ena bote bona liteli: enacoa bitange bolu’olu, ko tokasekase tomatsa limela, ino bey’oka esike ena luma eolama. 29Nk’osamb’oho, eneng’in’oena baoyi’ane bayilame, bey’oka Ende aolama, ayali nk’en’efolo. 30Solosolo lakosumol’ino, eotwelo ene efumaki yengoko baoyi’ane bahatu bailama. 31Loola la loko banguma; koko baoyi’anami bafuinaki tu. 32Koko efan’oto oneya bin’oho ko la heure eho; la bikima bina loola, la Bona, efan’oneya, yengoko Bafango kei. 33Bolendaka, botombanyaka, ko boondaka, lacin’ino bofeya esik’eho. 34Eyali yoka boto onocoa bokita en’onyang’omoi; ko aocik’otumb’onande, ko aofa baombo’anande bosala, boto l’oto ekambwa enande ntutuma, ko aosumola botombanyi aongya litombanya. 35Ino botombanyaka, lacina bofeya esike enengi mene’otumba oya—yombo la likolo, yombo ena kelekele en’oco, yombo enakel’ina, yombo l’okulu; 36lacina atongoya sasimo, ko atokosungy’ino kuma beci. 37Yoi linakosumol’emi lasumola bahatu, Botombanyaka.
Currently Selected:
Malako 13: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
