Popular Bible Verses from Matayo 24

Share

Kandi kusangwa ebibi byasyakanya, olwanzo lwabangi lwasyaholoka. Nikwa oyu wasyasika erihika oko nduli asyalamibwa.

Nengulu yowene eyi yobwami yasyatulwa omo kihugo kyosi, ngeriminyisya oko bihanda byosi; neryo enduli iyahika.

Mwasyowa amalwa nengulu ya malwa: isimwahahukaya omutima; kusangwa bitolere ibyabyaho, nikwa enduli isiriyaberwa.

Ekihanda kyasyalwa nekindi kihanda, nobwami bwasyalwa no bundi bwami, hasyabya esyonzala nemisiki ehandi nehandi: ebi byosi ni tsuka ryamagali.

Elubula ne kihugo byasyahwaho, nikwa ebinywa byage sibendisyahwaho.

Ku sangwa abangi bakandisyasa omo rina ryage, bati Ingye Kristo, basyatalya bangi.

Ba syabaha okwagalibwa neriitwa; Mwasyakubwa obusu nebihanda byosi busana nerina ryage. Oko mugulu oyo abangi basya suba enyuma, basyahoterana, basyakwana ekiniga. Na baminyereri bangi bamabihi basyahangana basyatalya bangi.

Yesu mwa subiryabo ati, Muyitegaye sihabye mundu ukabatalaya.

Neryo ritolere imwabya imunalumire; kusangwa oMugala womundu akandiasa oko endambi mutaringikenie.

Neryo mutegaye, kusangwa simwasi nga ku kiro kyahi oMukama wenyu asyasa.

Nikwa ekiro ekyo nendambi sihari oyo wasi, nomo bangabya abamalaika belubula, kutse oMugala, nina Tata iyowene.

Ku sangwa abaKristo bamabihi nabaminyereri bamabihi basyaha­ngana ibakangya bitikotiko binenebinene nebyeriswekera, kyamatokekana, ibatalya abayisogawa.

Ngoko ebiro bya Noa byabya, ko bikandisyabya bitya okwihika ryoMugala womundu. Kusangwa ngoko biro ebyo embere yerigunga ryamagetsi mobabya bakarya neri pulya, nerihikya neriherukania, erihika ekiro Noa ingira omo bwato, mobataminya erihika aho erigunga ryamagetsi ryasa neritwalabo abosi, ko rikandisyabya ritya eriasa ryoMugala womundu.