Matayo 24
24
Emyatsi eyikandisyasa
1Yesu mwalwa omo hekalu neryo abere anemogenda, abiga buwe mobamuhikako mobamukangya emihimbire yehekalu. 2Nikwa mwasubiryabo ati, Emyatsi eyi yosi simwetalangirayo kwehi? Kwenene ngabuga nenyu nyiti, sihendisyasigala hano eribwe riguma endata oko rindi, eritindi syaguswa ahisi.
3Omugulu abya anikere oko kitwa kyeMizeituni, abiga mobasa ahari bubi-sobiso, bati, Utubwire ngebi byasyabya mugulu wahi kwehi? kandi ekiminyikalo kyerihika ryawe nerihwererera ryemigulu byasyabya biti kwehi? 4Yesu mwa subiryabo ati, Muyitegaye sihabye mundu ukabatalaya. 5Ku sangwa abangi bakandisyasa omo rina ryage, bati Ingye Kristo, basyatalya bangi. 6Mwasyowa amalwa nengulu ya malwa: isimwahahukaya omutima; kusangwa bitolere ibyabyaho, nikwa enduli isiriyaberwa. 7Ekihanda kyasyalwa nekindi kihanda, nobwami bwasyalwa no bundi bwami, hasyabya esyonzala nemisiki ehandi nehandi: 8ebi byosi ni tsuka ryamagali. 9Ba syabaha okwagalibwa neriitwa; Mwasyakubwa obusu nebihanda byosi busana nerina ryage. 10Oko mugulu oyo abangi basya suba enyuma, basyahoterana, basyakwana ekiniga. 11Na baminyereri bangi bamabihi basyahangana basyatalya bangi. 12Kandi kusangwa ebibi byasyakanya, olwanzo lwabangi lwasyaholoka. 13Nikwa oyu wasyasika erihika oko nduli asyalamibwa. 14Nengulu yowene eyi yobwami yasyatulwa omo kihugo kyosi, ngeriminyisya oko bihanda byosi; neryo enduli iyahika.
15Ritya omugulu mwasyalangira ekikalire kyeriherya ekya hulawa nomuminyereri Danieli ikihangene ahabuyirire (oyu kasoma aminye), 16Neryo oko mugulu oyo abari omo Yudea basagire oko bitwa; 17noyuri endata oko nyumba siakime eriimya ebiri omo nyumba yiwe; 18noyuri omwirima siasubire esyongimba siwe. 19Kandi obulige oko bakule nabakaha abana mabere omo biro ebyo! 20Musabe erisaga ryenyu siribye oko mugulu weritsuka kutse oko sabato. 21Kusangwa oko ndambi eyo hasyabya amalige manene owatyatabya okwitsuka rye kihugo erihika na lino, eyihi, na kera siendisya swabya. 22Kandi kumbe ebiro ebyo sibyetakuhihibwa, sihari mundu wangala mibwa; nikwa busana nabayisogawa ebiro ebyo byasyakuhi hibwa. 23Oko mugulu oyo omundu amabuga nawe ati, Lebaya Kristo ari hano! kutse ari harya! Isimwikirirayakyo. 24Ku sangwa abaKristo bamabihi nabaminyereri bamabihi basyahangana ibakangya bitikotiko binenebinene nebyeriswekera, kyamatokekana, ibatalya abayisogawa. 25Lebaya, nabiriba bwira erimbere. 26Ritya, bamababwira bati, Lebaya, ari omo mbwarara, isimwayayo; bamabuga bati, Lebaya, ari omo bisenge, isimwikiriraya. 27Kusangwa ngoko eripalya rikalwa eyo ryuba rikahuluka rikakolelaya erihika eyo eryuba rikale ngera, ritya erihika eryoMugala womundu ko rikandisyabya ritya. 28Ahari kinda, ha mahungu asyahindana.
29Nikwa neryo-neryo enyuma wamalige webiro ebyo eryuba ryasyakinibwa, nomukera siendisyakola, nesyongununu syasya togonga erilwa elubula, nebyamaka byomo matuku byasyatenga tenganibwa; 30neryo ekitikotiko kyoMugala womundu kya syahuluka omo lubula, noko mugulu oyo ebihanda byosi byomo kihugo byasyasusumana, basyalangira oMugala womundu akasa oko bitu byelubula namaka nolukengerwa lunene; 31asyatuma bamalaika buwe nomulenge munene wengubi, asyahindania abayisogawa buwe erilwa oko mahunga ani, eritsuka oko nduli nguma yelubula erihika oko yindi nduli.
32Mwigire oko muti womutini omusyo wago; omugulu mutahi wago akabya muleremulere akatoheraya ebikoma byago, mukaminya ko mututa ari hakuhi. 33Ritya mwamalangira emyatsi eyo yosi mukaminya kwari hakuhi, okongyo. 34Kwe nene, ngabuga nenyu, olulengo olu silwendisyahwaho emyatsi eyi yosi yiteyabererera. 35Elubula ne kihugo byasyahwaho, nikwa ebinywa byage sibendisyahwaho.
36Nikwa ekiro ekyo nendambi sihari oyo wasi, nomo bangabya abamalaika belubula, kutse oMugala, nina Tata iyowene. 37Ngoko ebiro bya Noa byabya, ko bikandisyabya bitya okwihika ryoMugala womundu. 38Kusangwa ngoko biro ebyo embere yerigunga ryamagetsi mobabya bakarya neri pulya, nerihikya neriherukania, erihika ekiro Noa ingira omo bwato, 39mobataminya erihika aho erigunga ryamagetsi ryasa neritwalabo abosi, ko rikandisyabya ritya eriasa ryoMugala womundu. 40Oko mugulu oyo abalume babiri basyabya omwirima; omuguma asyatwalwa nomuguma asyasigwa. 41Abakali babiri basyabya bakaswa oko luso; omuguma asya twalwa nomuguma asyasigwa. 42Neryo mutegaye, kusangwa simwasi nga ku kiro kyahi oMukama wenyu asyasa. 43Nikwa muminye eki, kumbe mwenye nyumba aribya asi endambi yekiro omurahi akahika, ngabiriteya isiangaleka enyumba yiwe ikatulwa. 44Neryo ritolere imwabya imunalumire; kusangwa oMugala womundu akandiasa oko endambi mutaringikenie. 45Omugombe wa menge noyu tebirirawa nindi, oyo mukama wuwe asigira abenyumba yiwe, erihabo akaryo kabo oko mugulu atolere kwehi? 46Omuyisa ari oko mugombe oyo omu kama wuwe asyasa asyeya akakola atya. 47Kwenene, ngabuga nenyu, asyamuhira endata oko bindu biwe byosi. 48Nikwa omugombe mubi oyo amayibwira omo mutima wuwe ati, OMukama wage alindire, 49iniatsuka eriswirya abagombe bali kyabo, nerirya neripulya nabakundirya, 50omukama womu gombe oyo asyasa oko kiro atamulindirire noko ndambi atasi, 51asyamusuyira, nerimuhira haguma nabatebya; eyo bandu basyarira nerikeregeta ameno wabo.
Currently Selected:
Matayo 24: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
