Matayo 25
25
Abakondo ikumi
1Neryo obwami bwelubula bwasyalingiranibwa nabakondo ikumi abaheka esiseke syabo neriya hindana niba womu heruki. 2Abatanu bakubo babya bikiru, nabatanu babya bamenge. 3Kusangwa omugulu ebikiru baheka esiseke syabo, mobataheka amaguta haguma nabo; 4Nikwa abamenge mo baheka matambya wamaguta haguma nesiseke syabo. 5Neryo omugulu iba womuheruki arindirira, abosi mobayitsingirako mobaya to. 6Nikwa omo kati kanene mohabya omulenge ati, Lebaya, iba womuheruki! Mwase muhindane naye. 7Neryo abakondo abo abosi mobahangana mobatwa amakala okwiseke syabo. 8Ebikiru mobabwira abamenge bati, Mutuhe oko maguta wenyu, kusangwa esiseke syetu sikahombera. 9Nikwa abamenge mobasubirya bati, Mbino sienditutsungana itwe nenyu; nikwa mugende oko batundya muyigurire. 10Nomu gulu bayagula, iba womuheruki mwasa, nababya banalumire mobingira haguma naye okwirya ryeriherukya; noluyi molwa kingwa. 11Nenyuma abandi bakondo nabo mobasa, bati, Mukama, mukama, utukingurire. 12Nikwa mwasubirya ati, Kwenene, ngababwira, sinyibasi. 13Neryo mutegaye, kusangwa simwasi ekiro kutse endambi.
Omusyo weritundya
14Kusangwa kyasyabya ngo mundu oyo wagenda oko lugendo omo kindi kihugo, neryo mwabirikira abagombe buwe mwasigirabo ebindu biwe; 15oko muguma mwaha esyofaranka maelfu magana abiri na makumi atanu, noko gundi esyofaranka maelfu erigana, noko gundi maelfu makumi atanu, oko buri mundu nga menge wuwe. Neryo mwagenda. 16Oyo wimaya esyofaranka maelfu amagana abiri na makumi atanu mwaya tundyasyo neryo-neryo; mwabana mwendundi awandi maelfu amagana abiri na makumi atanu. 17Ritya, oyo wabya na maelfu erigana mwatundya mwabana awandi maelfu erigana. 18Nikwa oyo wimaya esyofaranka maelfu makumi atanu, mwaya takula omo kitaka mwabisa esyofaranka syomukama wuwe. 19Nikwa enyuma womugulu muli omukama wabagombe abo mwasa mwabulya eriganza ryabo. 20Noyo wimaya maelfu amagana abiri na makumi atanu mwahikaho, akaleta awandi amaelfu amagana abiri na makumi atanu, ati, Mukama, mowamba esyofaranka amaelfu amagana abiri na makumi atanu; hano nabiritundya awandi amaelfu amagana abiri na makumi atanu. 21OMukama wuwe mwamubwira ati, Wamakola ndeke, we mugombe owene utibirirawa; suribirirawa oko bike, nasyaku hira eriteya bingi; wingire omo butseme bwomukama wawe. 22Noyu wabya na maelfu erigana mwasa, ati, Mukama, wamba maelfu erigana; hano nabiritundya awandi maelfu erigana. 23OMukama wuwe mwamubwira ati, Wamakola ndeke, we mugombe owene utibirirawa; suritibirirwa omo bike, nasyakuhira eriteya bingi; ingira omo butseme bwomukama wawe. 24Noyu wimaya esyofaranka amaelfu makumi atanu mwasa ati, Mukama, nabya nyasi kukalire erigesa aho utabiba, nerikumakuma aho utagulukaya; 25monubaha, monaya bisa esyofaranka syawe omo kitaka. Syesi esyawe une nasyo. 26Nikwa omukama wuwe mwamusubirya ati, Uwe mugombe mubi mugata! Wariminya ko ngagesa aho ndabiba, nerikuma kuma aho nda-sanza kwehi? 27Kumbe wahira esyofaranka syage oko bakatundaya, neryo okwihika ryage inimya esyage haguma nendundi. 28Neryo mumusagulesyo muhesyo oyo wite esyofaranka maelfu magana atanu. 29Kusangwa oyu wite asyahabwa ebindi, iniabya nebingi kwilaba; nikwa oyu tawite asyasagulwa nebyo awite. 30Muguse omugombe oyu tekuba lwahi omo mwirimya weyihya; eyo bandu basyaririra nerikere geta ameno wabo.
Eritswerwa ryebihanda
31Omugulu oMugala womundu asyasa omo lukengerwa luwe, nabalaika bosi haguma naye, asikala oko kitumbi kiwe kyolukengerwa. 32Embere siwe ebihanda byosi byasyahinda nibwa, asya-sololabo ngomulisya kwaka-solola esyombuli omo mbenehene, 33asyahira esyombuli oko byala biwe byamali, nikwa esyombenehene oko malembe. 34Neryo oMwami asyabwira abari oko byala biwe byamali ati, Mwase, inywe Tata wage abirihira komuyisa, murye obwami mo mwandu obwa kokotibawa busana nenyu oko kibanza kye kihugo; 35kusangwa nabya nenzala momwanyaganula, nabya nenyota momwamba aweripulya, nabya omugeni momwanyikokya, 36nabya endu mbu momwanyambalya, nabya nyilwere tnomwayanyibana, nabya omo nyumba yomuliki momwanyihikako. 37Neryo abatunganene basyamusubirya bati, Mukama, twakulolako ukwire enzala nerikwaganula mugulu wahi kwehi? kutse ukwire enyota nerikuha aweripulya kwehi? 38kandi mugulu wahi twakulolako uri mugeni twakukokya kwehi? Kutse uri endu mbu twakwambalya kwehi? 39Kandi mugulu wahi twakulo lako unalwere kutse omo nyumba yomuliki twasyakubana kwehi? 40NoMwami asyasubiryabo ati, Kwenene, ngabuga nenyu, ngoko mwakolakyo oko muguma woko bakebake aba bagala betu, ingye mwakolerakyo. 41Neryo asyabwira abo ko byala biwe byamalembe ati, Mulwe aho wage, inywe batakirwa, muye omo muliro wakera na kera owakokotibawa busana na Setani na bamalaika bayo; 42kusangwa nabya ngwire enzala momutanyaganula, nabya ngwire enyota momutamba aweri pulya, 43Nabya mugeni momutanyikokya, nendumbu momu tanyambalya, inyilwere nomo nyumba yomuliki momutayanyi bana. 44Nabo bakandisyasubirya, bati, Mukama mugulu wahi twakulolako unakwire enzala kutse ukwire enyota kutse mugeni kutse endumbu kutse ulwere kutse omo nyumba yomuliki, tutetakukolera kwehi? 45Neryo asyasubiryabo ati, Kwenene, ngabuga nenyu nyiti, ngoko mutakolera omuguma goko bake bake aba, momutakolakyo kwingye. 46Basyagenda omwisu yirwa ryakera nakera, nikwa abatunganene basyaya omo ngebe yerikota.
Currently Selected:
Matayo 25: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
