Matayo 23
23
Erihana busana nabaFarisayo
1Kandi Yesu mwabuga nesyendeko na biga biwe, 2ati, Abasaki nabaFarisayo bikere oko kitumbi kya Musa; 3mukole mubike ebyosi bakababwira, nikwa simukole ngoko bakakola; kusangwa bakatulago nikwa sibekolabyo. 4Baka senge emiheke iritohire eyikalire eriheka, bakahirayo oko bitigo byabandu; nikwa ebo sibesegeryayo nomunwe wabo. 5Nikwa bakakola emibiri yabo yosi erilolwako nabandu; kusangwa bakahira emilondo yerisaba oko syongimba syabo mo bugale bakahamaya emisike yesyongimba syabo, 6banzire aherisi kibwa okwirya nebitumbi ebibuya omo manyumba werihindana, 7neribukibwa omwiguriro, neribirikirwa nabandu mo Muka ngirirya. 8Nikwa inywe simwahulawe mo mukangirirya, kusangwa muguma ni mukangirirya wenyu, nenyu bosi muri bagala babo. 9Simwahule omundu mo tata wenyu monaki hugo, kusangwa muwite Tata muguma, oyuri elubula. 10Kandi simwahulawe mo bakama, kusangwa muwite mu kama muguma ye Kristo. 11Oyuri mukulu omukati-kati kenyu yo wasyabya mugombe wenyu; 12oyu wasyayihamya asyakehibwa, noyu wasyayikehya asyahamibwa.
13Nikwa obulige kwinywe, abasaki nabaFarisayo, abatebya! kusangwa mukakingira obwami bwelubula bwabandu; kusa ngwa nenyu simuriingiramo, kutse simweliga abangingira bakingiramo. 14Obulige kwinywe, abasaki nabaFarisayo, batebya! kusangwa mukarya amanyumba wabakwakali na bu sana neritebya mukasaba muli-muli; kyasyaleka imwimya olubanza lubi kwilaba. 15Obulige kwinywe, abasaki naba Farisayo, abatebya! mukatimbatimba oko ngetsi ne kihugo eriyira omundu muguma mo mubindulwa, neryo mwamabi muyira mutya, mukamuyira mo mwana wekyuna kyomuliro engendo ibiri kwilaba inywe.
16Obulige kwinywe, abasondoli ndimatime, abakabuga bati, Omundu amalahirya ehekalu, si mwatsi; nikwa omundu ama lahirya omo zahabu yehekalu, akayiboha omwilahirya riwe. 17Inywe bikiru esyondimatime! kusangwa ekilabire mo kikulu ni kyahi, ezahabu kutse hekalu eyikayira ezahabu mo ibuyirire kwehi? 18Kandi mukabuga muti, omundu oyu kalahiraya aheriherera, sihari mwatsi; nikwa oyu kalahiraya erihitya eriri aheriherera, akayiboha omwilahirya riwe. 19Inywe ndima time! Kusangwa ekilabirye kindi obukulu ni kyahi, erihitya kutse aheriherera ahakayira erihitya mo ribuyirire kwehi? 20Ritya oyu kalahiraya aheriherera, iniakalahiraya nebyosi biriko; 21kandi oyu kalahiraya ehekalu, akalahirayayo noyo wikeremo; 22noyu kalahiraya elubula, akalahiraya ekitumbi kyoMungu noyo wikere kukyo.
23Obulige kwinywe, abasaki nabaFarisayo, abatebya! ku sangwa mukabana ekiguma kyerikumi kyekomunanaa na bizari na jira, imwabirileka emyatsi mikulu kwaho eyomo bihano, eritswera ritunganene, neriganyira nerikirirya; nikwa ebi mutolere ibyomwakola, neritindaleka ebindi. 24Inywe ba-so ndoli ndimatime, imukakekena akahuka kake imwamera engamia!
25Obulige kwinywe, abasaki nabaFarisayo abatebya! ku sangwa mukeraya eyihya yolutehi nekisya, nikwa omwisi moswire erihunga nesyongumbu nyibi. 26Uwe muFarisayo ndimatime! utsuke erierya omwisi golutehi nekisya, neyihya iyatoka eriera nibya.
27Obulige kwinywe, abasaki nabaFarisayo, abatebya! ku sangwa muringe sisinda esihakabirye embemba, esikaminyikala eyihya mo nyibuya, nikwa omwisi moswire amakuha wabaholi nebihondire byosi. 28Nenyu ritya mukaminyikala eyihya nga batunganene oko bandu, nikwa omwisi moswire neriteba nebibi.
29Obulige kwinywe, abasaki nabaFarisayo, abatebya! ku sangwa mukahimba amasinda wabaminyereri mukabambiraya amasinda wabatunganene, 30muti, Kumbe twaribyaho oko biro byabotata wetu, nga sitwetabya omo luhota haguma nabo kweriuta omusasi wabaminyereri. 31Mukayiminyikalaya ko muri abagala babita abaminyereri. 32Ritya, musulaye olu lengero lwabotata wenyu. 33Inywe nzoka, abana besyonzoka, mwasyabala muti eritswerwa lubi lwekyuna kyomuliro kwehi? 34Neryo, lebaya, ngabatumira abaminyereri nabamenge naba saki, nabandi bakubo mwasitabo neribambabo, nabandi mwa syaswiriryabo omo manyumba wenyu werihindana mwasyende reryabo erilwa komuyi okundi nokundi, 35neryo omusasi atunganene gosi abye kwinywe ogutawa oko kihugo, eritsuka oko musasi wAbele oyu takola nabi erihika oko musasi waZakaria omugala wa Barakia oyo mwitira omukati-kati kahabuyirire naheriherera. 36Kwenene ngabuga nenyu, ebyosi ebi bikandisyahika oko lulengo olu.
Eririra busana neYerusalema
37Uwe Yerusalema, Yerusalema, ugu kita abaminyereri ukaswirayabo amabwe abakatumawa kuwe! Ngendo singahi nabya nyanzire erihindania abana bawe nge ngoko ikahindanaya ehyani hyayo omwisi webipupa byayo, imutaliga! 38Lebaya, enyumba yenyu yamasigirwa mo kihuma. 39Kusangwa nga babwira nyiti, Simwendisyaswanyilolako erihika aho mwasya bugira muti, Omuyisa ari kwoyu kasa omo rina ryoMukama.
Currently Selected:
Matayo 23: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
