Popular Bible Verses from Mateo 18

Share

Mwanda habakekoñena mwishina diande su mbabidi su mbasatu, biabia ami nyi munkatshi mwabo.

Dimonyi nenulungula’shi: Su babidi bwēnu anukalombana hano ha nsenga ha kintu kioso kianutekye, akikenukitshinwa kianka kwi Shami e mwiilu.

Yesu betanyine mwana mukinga kwadi, bamutudile munkatshi mwabo; eshi; Binyibinyi, nenulungula’shi: Su tanwi bālule mashimba kwikala bu bana bakinga, tanukatwele mu Bufumu bwa mwiilu, ooo.

Binyibiabia muntu oso akehelesha bu uno mwana, e winyi mukile bukata mu Bufumu bwa mwiilu.

Na muntu oso atambula mwishina diande umune bu uno’nyi, antambula’mi.

Binyibinyi nenulungula’shi: Kioso kianukānya hano hashi, akikānyibwa mwiilu; na kioso kianukahosola hano ha nsenga, akikāhosolwa mwiilu.

Anka biabia namu akikenukitshinwa kwi Shami e mwiilu, su anwe mu mashimb’enu, tanukalekyela bakwenu kusola kwa myanda yabo, muntu na mukwabo muntu na mukwabo.

Anka muntu oso akakokosha umune a bano bana abakumina mwandji’mi, nkikile buwa kwi’wa (muntu)’ shi, ebwe dia kuhela bukula dimwanyine ku nshingo ye, eshīkye mu bula bwa mema-akata.

Anwe anutentekyesha naminyi? Su muntu e na mikoko lukama, ahakashimina umune, takalekye yaya yi makumi kitema na mikoko kitema, ēnde mu mangulu mu kukimba wawa batuhilw’eshinda su?