Popular Bible Verses from Juan 15

Share

Qaq aÿim mayi shiita'am aca nanguishi, qaq qami' nachiqami' icoue. Qaq cam nachi 'eetai' da aÿim n'attau'a qataq ñi'atta'ai', nachi camayi ÿataqta qalota da alaÿaxac, cha'ayi qami' sa ishit da huo'o ca qoñiic da huo'otaq sa ishit da aÿim qan'ayiitau'a.

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Qaq qami' da nachi 'eetai' da aÿim qan'ayiitau'a, qataq sa ishit da qaucouai'ai na ÿapaxaguenataxanaxacpi, qaq da huo'o ca qauÿaxañiÿaique, nachi qami' qoÿanema.

Qami' sa ishit co'ollaxa da aÿim qalca'aguishiqui, aÿim mayi qami' llica'agui'shi. Nachi qami' shinapegalo da yaqto' ÿataqta qalota da alaÿaxac da qanachaalataxaqui, qaq de'eda alaÿaxac da qanachaalataxaqui, damayi nachi 'eetai'. Qaq yaqto' ñi ita'a qami' ÿanema 'enauac nam qauÿaxañiÿaique da huo'otaq qoviilec da i'enaxat.

Qaq dam nauotaxanaqtaic mayi ÿataqta lta'adaic 'eeta': Ca shiÿaxaua ishit da ÿaalec da nachaalataxac na nauochaxauapi.

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

Qaq dam ÿamaxasoxonaxac mayi qami' sanema 'eeta': Ñi 'oonolec da qoñiita ÿataqta ÿauotec ca lÿa, 'eeta'am da 'eetec da ÿataqta qami' sauoteque.

Ñi ita'a huo'o da ñi'oxonnataguec da huo'otaq ÿataqta qalota da alaÿaxac da qoñiita, nachi qami' ishit da ÿataqta qaviyiÿa'a da qami' ÿapaxaguenataqa.

Qaq aÿim mayi shiita'am aca ÿoqta 'eesa nanguishi uva, qaq ñim ita'a, qalaq ñimayi 'eeta'am cam ilotague' aca'aca nanguishi.

Qaq cam sa ishit da aÿim n'attau'a, nachi camayi qaÿasaxauec, nachi daqaqa, 'eeta'am ana lcouepi mayi qalaÿona't, nachi qaÿasaxangui ca nodec da qaÿavigaxat.

Qaq shiitec de'eda da qami' shinapegalo, yaqto' qami' ishit da aÿim qantonaxauai, nachi qami' ÿataqta qami' nlaqchiguilo da qantonaxaqui.

Qaq da qaualaqaiguet na ÿamaxasoxonaxacpi, nachi qami' ishit da qoquiitegue da 'eetec da qami' sauoteque, 'eeta'am da shiitec da ÿataqta salaxaguet na lamaxasoxonaxacpi ñi ita'a, qataq shictegue da 'eetec da lauotaxanaqtaic aÿim ñimayi.

Qaq 'eda qome da qami' samaxalguete, 'eeta': Ñi 'oonolec qome da qoñiita ÿataqta ÿauotec ca lÿa.

Qami' da huo'otaq qami' lashi' ana 'alhua, nachi nam shiÿaxauapi mayi huetalec ana 'alhua, namayipi ishit da qami' ÿauoteque, 'eeta'am da 'eetec da ÿauotec nam lalamaxatpi. Qalaxayi aÿim qami' llica'agui'shi, qami' sachigoxottoiguilo nam huetalec ana 'alhua. Qaq ÿoqo'oyi namayipi ÿataqta qami' nquiÿalo, cha'ayi qami' sa ishit da qami' lashi' ana 'alhua.