Popular Bible Verses from Matayo 28

Share

Hūna lūūlū a bing'we jagi hose-hose ū mu mahanga; ng'ūbahembeka na kūbabatīīja mu lina lya ng'wa Baba, na lya Ng'wana, na lya ng'wa Moyo Ng'wela. Hama ng'ūbalanga kwīdima pyī īyo naamalile kūmukomeleja, managi gīkī ū nene ng'wenekīlī nalī hamò ning'we pyī ī shikū jose na jose, kūshisha kū būkalīkījo w'ikanza.”

Hūna ū wei ū Yesu ūbegeela ūbawīla gīkī, “Pyī ū būdūla ūbo būlī ng'wigūlū nū bo mu sī ninhilwe nene.

Ū malaika ūbayombya a bakīma benabo alīhaya, “Mutogohage a bing'we, nguno namanile gīkī mulīnkooba Yesu ūyo walī wakomilwe ha nsalaba. Atīho a henaha wajūūkaga gīt'ūmo walī wahayīla; nzūgi mulole aho walī alaalile!

Nanghwe ū Yesu ūbawīla, “Mutogohage, jagi mukabawīle a baana bang'wise gīkī nalīja Galilaya, tūkwibonela kwenūko.”

A bagabīji bataale na a banamhala bikobya pye hangī būgūhoyela, bizunīlīja kūsola hela kaganda kigelile; būbinha a bashilikale. Būbawīla; “Hayagi gīkī, ‘Twalī twabītīlwa tūlo ī būjikū, biza a bahemba bakwe būng'wiba!’ Ū mhayo gwenūyū ūlū gūliigwiwe nū nsugi, tūkūnghuumūja dūhū a bise, tūng'wīnje a bing'we ū mu makoye.” Na nghana būjanukūla ī hela, bandya kwīta ūmo bakalangīīlīlwa. Ū mhayo gwenūyo gūkumūchiwa na a Bayudaya kūshisha nī lelo īyī.