Popular Bible Verses from Matayo 27

Share

Mu sa gītī kenda gīko, ū Yesu ūlīla n'ilaka itaale alīhaya, “Eli, Eli, lema sabaktani?” Hū kūhaya, “Mulungu wane, Mulungu wane, nibūlī wanilekaga?”

Kūhayimanīla ī lisenge lya mu hekalu lyatandūka kūfuma kwigūlya kūshisha ha sī, lyūlekana habīlī; nguno īkadinghima nyahīnga nhaale kūshisha na mawe gūpaanagūka. Na shigila shūkundūka, mibīlī ya beela bingī abo baalī balaalile yūjūūka.

Hūna ūlīla hangī ū Yesu n'ilaka itaale; ūgūfunya ū moyo gokwe!

Ū ntaale o bashilikale igana ūyo onanghanaga ū Yesu, hamò na a babo baalī bīmīīla nanghwe bakogoha no aho bībona ī nyahīnga pyī nī yīngī īyo īkilonga. Biwīla gīkī, “Bing'we, ū munhū ng'wenūyū walī Ng'wana o ng'wa Mulungu nghana!”

Ī līīmi aho lyashika ntwe-gatī, shūbiza ho giiti; shīkundīkīja pyī ī sī, kūshisha sa kenda.

Nanghwe ū Pilato ūbabūja, “Al'ū Yesu ūyo akitanagwa Kilisto, nang'wīte ginehe ū ng'wene?” Pye a bose būhoolanīja kūhaya gīkī; “Nekage akong'we ha nsalaba!” Nanghwe ūhaya, “Nibūlī, wītile būbi kī?” A boi bongeja kūhoolanīja n'ilaka lya higūlya balīhaya gīkī, “Ni akomagwe ha nsalaba!”