Popular Bible Verses from Marko 12

Share

Hean gwayeeshsha Yeesu, “Dea madeeda nii gil, ‘Aniyean aleaydiit Israeeli! Ng'uttamiida Aseetteanya gil. Ng'uttamiida niny gil nea gaba geaw. Bwariinya Ng'uttamiida was Aseettaang'u aba jeadaang'u sean ea aba guroroadaang'u sean, ea aba fughareadaang'u sean, ea aba urdaang'u sean.’ Ng'asheanda haw bea iyyeenya gwayi, ‘Bwariiyda gischeewoochcheandaang'u gidubwariiydi geaw.’ Manda digheannyeekka hees naawa suu assiyyenyean.”

Hean gaguursa Yeesu ginealangaaschi ak gwayeeshsha, “Aba huumwa geayeeshshineegwa, gatmoani was masiinung'weanda bwarbwariin, nii ghamneawa ghoadayda gidahaw ea ghwalaabwa hoowa buuneessean iin lappiya jeeda sandakwajeanda siyiina haleanjeeda ghadooweedean. Aba gideaba Buuneeda suurja ghoadayda gidabinna jeeda baruureega nyaawa. Sunung' Masiinung'weanji earappeadi bwarbwariin niidayda gidamideawa sean. Niidayda daghwardaannyi sean.”

Muchchu goopteada Yeesu aba jeeda Gheeda Sibatta Aseetta nea nekkeewa sandakwajeanda siyiina haleanjeeda ghadooweeda. Gang'ula gidiinda Buuneeda lappiya jeeda sandakwajeanda siyiina haleanjeeda ghadooweeda. Ghwadaah meanang'oodiga inyeessa ghabwaang'da lappiyeassaang'a. Deagheatta ghwahidu Gatmoanagi bwarbwar was masiinung'weanda, ak ghoadayda heelaji iyyeenya akghwahit.

Ea huumwa gil siida geaghus ghabwariinya Aseetta jeadaannyi sean ea aba fughareadaannyi sean ea aba urdaannyi sean. Ea huumwa gil siida geaghus ghabwariiyda gischeewoochcheandannyi gidabwariiyda geaw. Ng'asheesu assiyyeenyean ea majeekcheewi ea ghwanaawa eara gisilleanda ghadooweeda ea haleanjeeda suurja sisappa geadi sigadoowanniida.”

Gwayeeshsha Yeesu saawa, “Oattawa Gaysaari gida was dea Gaysaari ak ghoattawji Aseetta gida was dea Aseetta.” Ghwanung' ghahamng'eanyi muuchchi buuneeda.