Popular Bible Verses from Marko 13

Share

Ak agooga gayghwasteagwa Buuneeda aba gheawungeasu. Nea siida jea ghamilikghta ea gagul damandida bea mudeanoodean, siisi gayghaghu.”

Ashageada nea ghoang'ng'wearu, aba gideaba mwoanali damanda jea gawaseewa.

Nea eara isiyadeagwa gheeda sirgweachcha, ea adoohirbabannyi, appadayda ng'asheega jea arukuta, ihidu damandida, arukuta ng'asheanda wassean sinyunneegwa, aba gideaba mii agooga gil fuga jea gabalool, gaygabalool Gurorooda Ghaydit.

Humng'eeda ea ng'eanyiida gaygammudean. Duukku ng'asheegeasu ea maygammudean.

“Dukku askwearjeandida, ghana damandida manda siida nal. Eara giijasoodiga humng'eeda, ghana Balleanda Aseetta. Siinnal geaghus Bwaabwa akghwahit.

Iyoayiinyi ng'asheega ng'uchcheadinga ea gijuureanda ng'uchcheeda ea adoohirbabannyi. Ng'asheesu mayghwashiy hinnooda, duukku mudeanooda ea miighoaw.

Asi oang'ng'wearni adoolilli aba gideaba mwoanali eaweetta jea ghwahinna siida bea gheeda, gwadeeppa ghwahidu shing'ada, ghana gwadeeppa ghwahidu eaweedagweena, ghana gwadeeppa ghwahidu beashatta, ghana gwadeeppa ghwahidu nea gorearu Aseetta. Asi oang'ng'wearni gajiiduw gwashameegwa ak ghabwardaneegwa ng'eenyi nea goondi jeerruweanga. Gichchea darukuneegwa oagasean, gaydayi, Oang'ng'wearni, adoolilli!”

Gaygaba ng'eanyiini ng'uchchi nuut, gaygaba Sugoochcheanji ng'uchchi nuut, gaygwasaw ng'eanyiida gichcha ak gaygang'eeda gejeadinga. Ng'asheesu seaniin gaygawuurji lajooda gatmooda jea gwaji.

Nea hinnooda jea ghwahidu mudeanooda ng'eanyiida, abeeda gajeasurukusa buuneessean Giijasta miy.

Aba gideaba gayghapka Fuga saang'a jea ghapkaana gheawungeasu nea gwayi, siida aniini gil! Ak aba sareani gaygwareengani fuga saang'a.

“Asi agooga ashageada, aba gideaba gayghwadeagwa Buuneeda gheeda sirgweachcha, nea geabwareagwa aba jeesinga ghoorajeega sinnealshachcheewa. Gajeayadeagwa madeeda fuga hees ea madeeda sugoodiga appadaydeanyu, ak abeeda gajahuuwa mushoodigeasu aba madeannyaawa.

Aba gideaba gayghwahidu Fuga was Gristohajeega ng'uyyeega ea sibanga ng'uyyeega, gayghoahiimu gwadeagooda ea ng'asheega deamdeameadi, aba hutteawda fuga loat Aseetta.

“Asi askwearjoojigiga nea ning'atta ng'asheandida ng'waaniin, gaygwattuudu gheang'da Aseetta nea eara sheeda ea maygudu goboong'u. Nea miinga humng'eeda gaygoobittu nea gaygwaduumduum uurda humng'eeda.