Popular Bible Verses from Mareko 16

Share

‘Ua fetalai atu fo‘i o ia ‘iā te i latou, “Ō atu ia ‘outou i le lalolagi uma ma folafola atu le Tala Lelei i tagata uma.

O le ā tu‘uina atu fo‘i fa‘ailoga nei e iloa ai; e tuli‘esea e i latou temoni i lo‘u igoa; e tautala fo‘i i latou i gagana fou; e fetāgofi fo‘i i latou i gata, ma ‘āfai e inu e i latou se mea ‘o‘ona o le ā le afaina i latou; e fa‘ae‘e atu fo‘i o latou lima i ē e mama‘i, ‘ona fa‘amālōlōina ai lea o i latou.”

O lē e fa‘atuatua ma papatisoina e fa‘aolaina o ia; a o lē e lē fa‘atuatua, e fa‘asalaina ia.

A ‘ua ō atu so‘o ma folafola le Tala Lelei i nu‘u uma lava; ‘ua galue fo‘i le Ali‘i fa‘atasi ma i latou, ma ‘ua fa‘amaonia le ‘upu na folafolaina i fa‘ailoga na faia e i latou.

A ‘ua fai mai o ia ‘iā te i latou, “ ‘Aua tou te matata‘u. O lo‘o ‘outou sā‘ilia Iesu le Nasareta, o lē na fa‘asatauroina; e lē o ‘i‘inei o ia, a ‘ua toetū mai; inā matamata ia i le mea na tu‘uina ai o ia e i latou.

A o va‘ava‘ai atu i latou, na iloa e i latou ‘ua uma ‘ona fuli‘esea le ma‘a; auā o le ma‘a tele lava. ‘Ua ulu atu i latou i totonu o le tu‘ugamau ‘ona va‘aia ai lea e i latou le taule‘ale‘a o nofo i le itū taumatau, ‘ua ‘ofu fo‘i o ia i ‘ofu talaloapa‘epa‘e; ‘ona matuā matata‘u ai lea o i latou.