Popular Bible Verses from Mareko 15

Share

O le itūlā fo‘i e tolu na ‘alaga leo tele ai Iesu, “Eloi, Eloi, lama sapatani?” O lona uiga, “Lo‘u Atua e, lo‘u Atua e, aiseā ‘ua e tu‘ulafoa‘iina ai a‘u?”

O le ta‘ita‘i‘au sa tu e fa‘afeagai tonu ma le satauro, na va‘ai atu o ia ‘ua maliu Iesu, ‘ona fai ane lea, “E moni lava o le Alo o le Atua le tagata lenei.”

‘Ona saeluaina lea o le ‘ie pupuni o le malumalu e amata ifo i luga e o‘o lava i lalo.

‘Ua ‘alaga leo tele Iesu, ‘ona maliu ai lea o ia.

O le itūlā e sefulu ma le lua i le aoauli na pogisā ai le nu‘u uma se‘ia o‘o i le itūlā e tolu.

‘Ua manatu Pilato e fa‘aloto malie i tagata, o lea na fa‘asa‘olotoina ai e ia Parapa. ‘Ua uma ‘ona sasaina e ‘iā Iesu, ‘ona tu‘uina atu ai lea o ia ‘ia fa‘asatauroina.