Popular Bible Verses from wandījo 32

Share

Ū munhū ng'wenūyo ūng'wīla, “Ī lina lyako ūtitanwa hangī Yakobo, ūlī Isilaeli; nguno wilwishije na banhū nū Mulungu, ūbiza ntindi.”

Hūna ū munhū ng'wenūyo ūhaya, “Nilekelage naje, weela ū būjikū.” Alīyo ū Yakobo ūshosha, “Ndūhū natūkūlekelaga kūshisha ūnifuuhe!”

Ū wei ūsaaga iyene ko; munhū nebe wifuka nang'hwe kūshisha būjikū pe.

Ū Yakobo ūlitana ī lina ly'ipandī lyenīlo gīkī, “Penieli;” ūhaya, “Nguno nibonaga na Mulungu būshū kū būshū, alīyo nūchīlwa shigongo, nī haha nataalī nalīho nalī mpanga.”

Ū munhū ng'wenūyo aho wabona gīkī atūng'heebaga ū Yakobo ū mu lifuka, ūnkuumya h'iguha lya lūnyonga lwa lūkunu lwakwe; ū lūnyonga lwa lūkunu lūtyūka.

Ū munhū ng'wenūyo ūmūja, “Ī lina lyako ūlī nani?” Nang'hwe ūhaya, “Nalī Yakobo.”

Hūna ū Yakobo ūhaya, “Nalīkūlomba ūniwīle ī lina lyako.” Nang'hwe ūnshokeja, “Lyakī ī lina lyane ūlīlībūja?” Hūna ūmfuuha aho balī henaho.

Ū nene nsese wako natigeleelilwe ū bebe ūnīītīle ū wiza bose wenūbo, nūūlū kūnoolekeja ū būtogwa wenūbū. Nguno aho nalīgūkīla ū mongo gwenūyū naalī iyene dūhū na nang'ha gwane, alīyo ī haha nalī na mabità abīlī!

H'ī nguno yene kūshisha lelo īyī a Baisilaeli batalyaga ī nyama ya ha lūge ūlo lūlūnganije ha lūnyonga lwa lūkunu. Nguno ū lūnyonga lwa lūkunu lwa ng'wa Yakobo lūkakuumiwa bbihī nū lūge lwenūlo.

Hūna ū Yakobo ūlomba alīhaya, “Ee Mulungu wa ng'wa baba Abulahamu, Mulungu wa ng'wa baba Isaka. Ū bebe h'ūlī SEEBA ūyo ūkaniwīla gīkī, ‘Shokaga kaya kū sī yako na kū badūgūyo, nakūkūbeegeja yawiza.’

Nalīkūlomba ūnipīje ū mu nkono gwa nkūlū wane ū Esau, nguno naloogoha; akwiza anidumīle anikenaagūle ū nene na a baana, na a baninabo.