Popular Bible Verses from Yauhas 6

Share

Yexus qhia rau lawv hais tias, “Kuv yog cov mov uas cawm txojsia. Tus uas los cuag Kuv, tus ntawd yuav tsis tshaib plab ib zaug li; tus uas ntseeg Kuv, tus ntawd yuav tsis nqhis dej ib zaug li.

Vajtswv tus Ntsujplig ua tau rau neeg muaj sia; tiamsis neeg nqaijtawv ua tsis tau li ntawd. Tej lus uas Kuv qhia rau nej ntawd yog Ntsujplig thiab yog txojsia.

Nej tsis txhob nrhiav tej mov uas txawj lwj; tiamsis nej yuavtsum nrhiav tej mov uas yuav kav nej txojsia mus ibtxhis. No yog cov mov uas Neeg Leejtub yuav muab rau nej, rauqhov Vajtswv tus uas yog Leejtxiv twb nias homthawj tsocai rau Nws lawm.”

Qhov uas Kuv Txiv xav tau yog kom txhua tus uas pom Leejtub thiab ntseeg Nws tau txojsia ntev dhawv mus ibtxhis. Thiab kom thaum txog hnub kawg Kuv yuav tsa lawv sawv los tau txojsia.”

Yexus teb tias, “Vajtswv tej haujlwm yogli no: Nws xav kom nej ntseeg tus uas Nws txib los.”

Txhua tus uas Kuv Txiv muab rau Kuv, yeej yuav los cuag Kuv. Txhua tus uas los cuag Kuv, Kuv yeej yuav tsis muab lawv ntiab tawm

Ximoos Petus teb Yexus hais tias, “Tus Tswv, peb yuav mus nrhiav leejtwg? Tsuas yog Koj tej lus xwb thiaj pub tau txojsia ibtxhis.

Kuv yog cov mov cawm txojsia uas los saum ntuj los. Tus uas noj cov mov no yuav tau txojsia ntev dhawv mus ibtxhis. Cov mov uas Kuv muab no yog Kuv cev nqaij, uas yuav muab cawm neeg txojsia ntag.”

Neeg yeej tsis muaj peevxwm los cuag tau Kuv, tsuas yog Leejtxiv tus uas txib Kuv los, thiaj coj tau lawv los cuag Kuv xwb; thiab thaum txog hnub kawg Kuv yuav tsa lawv sawv los tau txojsia.

Rauqhov cov mov uas Vajtswv muab yog tus uas los saum ntuj los thiab muab tau txojsia rau neeg ntiajteb.”

Kuv yog cov mov uas cawm txojsia.

Yexus muab cov ncuav ntawd los ua Vajtswv tsaug, thiab muab coj mus faib rau cov neeg uas zaum ntawd. Nws muab ob tug ntses los ua ib yam nkaus li ntawd thiab, lawv txhua tus tau noj tsau npaum li tsau tau. Thaum lawv noj tsau lawm, Yexus hais rau Nws cov thwjtim hais tias, “Nej mus sau tej uas sawvdaws noj seem, tsis txhob cia ib qho xuam li.”

Cov thwjtim twb nquam lub nkoj mus deb kwvlam li 5 lossis 6 kilumev lawm, lawv txawm pom Yexus mus kotaw saum nplaimdej los ze zujzus rau ntawm lawv lub nkoj, lawv ntshai kawg li. Yexus hais rau lawv tias, “Tsis txhob ntshai, yog Kuv xwb!”