Popular Bible Verses from JOAN 10

Share

Doppyona kídíde pyoola, mola delokke petpe emlamin aadune; ngokke anggade bulu turnamem paadope delokke dem apíípe paadope emlamin aadune.

“Ngomin aina mér ruutumde. Mér ruutumde agíke mér legape agí turnamem bisudung.

Ngokke mér sobéne ngokke agomem tatbidung; ngo bulum kéndung, delokke bulu ngokkíng gímín gedung.

Ngo bulum turyarnam yénamem bidung, delokke bulu edílokom nyokyi mayé; sékote bulum ngokke alaglok rotbín lamayé.

Ngomin lamgésue; séko ngokkelok aayédí bí turyé. Bí aala goolen bola delokke dota pekuem paabodung.

Ngomino aina mér ruutume; Ngo ngokke mér sobénem kénsudung delokke ngokke mér sobéne ngom kénsudung.

Bulum ngokkíng bina, ngokke Yayi bí takam lokke botteyane; sékote bulum ngokke Yayike alaglok rotlen lamang. Ngolang ngokke Yayi bí atele.”

Abue ngom kénsunam akampe ngo ngok Abuem kénsudung delokke ngo mér sobén legape agí turnamem bisudung.

Sim sékote ngokkelok laabín lamang, idola ngo agírunge agí míísalok sim bisudung. Ngo sim bisulado delokke sim laasu ladoku. Sim ngiitom sim ngo ngokke Yayi kelok paato.”

Delok legape Jisu bí lekoda poto, “Ngo nolum aruem pobidung, Ngomino mér sobén kídíke eyabe.

Mér kaabom dope relíknam amide mér atomang. Dekepe ila, bí sipyang kaayédem, mér kídíem mepak geyéla duknyok gedungku. Delo sipyange mér bénbamdem míílo aabomla monpan sudung.

“Ngo nolum aruem pobidung, mér dungko lamgélo aamape, idola angukon kéényung lok reesaala aana amide, doppyone delokke rulane.