Popular Bible Verses from LUK 23

Share

Jisu bí pokai, “Yayie, bulum maab langka, kapeila bulu ingkuem idudí dem kénsumang.” Delo bulu luturi sola bíkke ege kídíem orpansuto.

Jisu bí bím poyansuto, “Ngo nom aruem podung, silo no ngokke yékolo yémín geyé.”

Delo bí Jisume poto, “Jisua nokke rojape aayékuem ngomkom míípang sulangka.”

Jisu bí agíípe ulo gokla pokai, “Yayie, nokke alaglo ngokke aidem melík sudungku.” Bí depe emdola bínkai.

Bulu tuklong among emkodelo pííla bím delo bottepe imemna ami annyi demteng akonem bíkke lakbík danlo delokke akonem bíkke lakké danlo lekope bím pansaato.

Depe iduem konang bajilokke ila adeng angum bajilope among tabude kaamue ito, kapeila doonyie angun biyimato. Delokrongem kumkeng ekum delokke lamgé donkom nana ege annyikope bétpan sukai.

Sipaying ruutumkone dekedem kanggeyéla Shédíme yidgeto delokke poto, “Berok si ami si deena amikuai.”