Popular Bible Verses from JOHN 15

Share

“I hai paken si-e, naliura pakedung si-e. Akhuga bambo, khatdi Iniu pakhuga bambo pah siniu pasy kengjiu masirabo-e, palamra I jaomakjiu naliuniu wadi kamlu lakge.

Akhuga bamtan-tan lulo, sichiusai Idi naliu khuga bamtan-tanne. Pake khat siniu paronna pasy masi lulakge; haisiniu paken- ga bamsai pasy masi lubui-e. Sikumjiu naliudi akhuga bamlu maksai pasy masi lulakge.

Naliuniu akhuga bamsai khatdi aladkengse naliu khuga bamsai, naliuniu lunibose chamtan gasu khenglo, sise naliuniu daolune.

Naliuniu atu kadabo makge, chiudi Iniu naliutu kadalubo-e; sichiujiu naliuniu tadlujiu pasy kengjiu masilura leng-e, sise tingtheng bamrabo leng-e. Sichiujiu naliuniu azau gasu khengbo hina Apiuniu naliuleng pikhai bine.

Mai khatniu pagu ringtingse pakamaileng pikhaibo lungsiat suang wadi kadibo ha-e.

Akhuga bamjiu pasy masi makbo ke hinatu paniu riothon mine, khatdi pasy masibo ke situ paniu mathan khaijiu pasy kengjiu masi rabo-e.

Agu chamtan sira hai-e: Iniu naliutu lungsabo kum, naliu khatniu khattu lungsa lulo.

Naliuniu pasy kengjiu masibo siniu Apiu kendise lenkhaibo-e, sichiujiu naliu akhommai thiulubo-e.

“I hai palingbo mumken si-e, khatdi Apiuse kareng npao-e.

Akhuga bam makbo patura, paketu riothon mibo kumjiu luthon mine, sichiujiu shaimi rabo-e; sikumbo kedung tura khom madui lujiu chamiga thonkhaijiu rumi rabo-e.

“Iniu naliu khuga haise dinkhaibo sira naliuniu agu chunwiboga bamlu raleng-e, khatdi naliugu chunwibose tathuilu raleng-e.

Iniu Apiu chamtan majaijiu pagu kungboga bambo kum, naliudi agu chamtan majai lujiu agu kungboga bamlulo.

Sichiusai, haise Iniu naliuleng chamtan pibo-e: naliu khatniu khattu lungsa lulo.

Naliuniu kadihpirigu thiusai, haisiniu naliutu lungsa rabo-e. Chiudi Iniu naliutu haibo kadihpiri gasu kada lude, sijengniu kadihpiri haisiniu naliutu mareng rabo-e.