Popular Bible Verses from JOHN 16

Share

Iniu haise naliu khuga dinkhaibora, naliuniu agu agi-manaiboga bamlura leng-e. Kadihpiriniu naliutu kam chariu sune, chiudi hujiu bamlo! Iniu kadihpiritu ngam lude!”

Sichiujiu, Hiupuinase wang dasai, Tingwang lamga majibose paniu madukhaijiu majibo gase naliutu jukhai bine.

Tuhoi tangbo naliuniu chamtan gasu wakhatdi kheng makha-e; khenglo, naliuniu daolune, sichiujiu naliugu chunwatse tathuilu rabo-e.

Iniu naliu khuga majibose dinbo-e: I tadmibo hai naliuleng wi-nkiu-e, palamra I tad maksai, Khakhaipaose naliu khuga wang lakge. Chiudi Iniu tad misai, naliu khuga Iniu patu langwang rabo-e. Sichiujiu pah wangsai, paniu kadihpiri maidung nuan lamga khatdi majibo lamga, khatdi Tingwang gu ladjan lamga pisikhai bine.

Sikum gapjiu naliu khuga bambo-e: tuhoira naliu chunsajiu bamme, chiudi Iniu naliu khuga madulen khai dasai naliu chunwibo siniu phuimi rabo-e; sibo chunwatse naliu khugasu mai khatniudi lupad ngamlu lakge. “Patingse wangtang dasai, naliuniu wakhatdi akhuga maniulak mide. Iniu naliu khuga majibose dinbo-e: naliuniu Apiu khuga khengbo hina paniu chamtan gasu pikhai bine.

Iniu naliu khuga majibose dinbo-e: naliuniu kapjiu kiam sune, chiudi kadihpiri mainiu chunwi sune; naliu chunsiat hai chunwibo thiu mine.