Popular Bible Verses from ROMEMAI 1

Share

Kawicham jengniu I mangambo thiu lakge. Kawicham haitu Iniu malumsiak bamme, palamra haise malumbo mai hinaniu ranlubo ngaolura Tingwang gu pumtan-e, raiboga Jehudi mai khuga, sibosai Nkengmai khuga di-e.

Palamra Kawicham hainiu dechiujiu Tingwang niu maidungtu kam maji khailo chiubo madukhai-e; Haise raokhai mibo kumbo-e: “Malumbo gasu Tingwang khuga kam majikhai mibo maise ringrabo-e.”

Tingwang niu kadihpiri dambo gasu pagu ngao ngam makbo lunlung chiubora pagu pamalan thiu makbo pumtan nai pagu charagu lunlung gasu masanjiu madukhai mibo-e; sichiujiu Tingwang niu damkhai mibo hinase paliuniu ngao mibo-e. Sijengniu sibo maidung situ kuak khai silak mibo-e.

Paliuniu Tingwang tu sibamme, chiudi patuse paliuniu Tingwang-e chiujiu chakhuang thiu makge, maksai patu thuon makge. Chakhuang thiurabo sung khatdi thuonrabo sung paliugu makumse mathaku mide, sichiujiu paliugu kapangbo lungchunse tamiu mide.

Paliuniu Tingwang gu majibo situ aratboniu nkhiak mide. Dampao tusuang paniu damkhaibo mania situ kahumme, khatdi macha-e. Dampao Tingwang patura pamalan thiu makjiu thuon rabo siakge! Amen.

Nuan phungbo khatdi kasa kambo maidung, chiubora majibo situ silura khambo maidung riga Tingwang gu lungpomse tinggen lamsu madulen khai mide.

Haichiubo jengniu paliutu Tingwang niu mangambo lungchun gase phutkhai mide. Sichiujiu maipuidung siniudi pajai kamakbo lunlungga lungmaojiu pathak kamak kam bamme. Sichiujiu maipiudung siniudi maipuidungtu maluang nphiuji rabo sung, paliu karai khat khattu maluang bamme. Sichiujiu maipiudung siniu paliu karai mangambo thak hai kambo jengniu, paliugu kamaobo saisuijiu paliu riga sajai phungwang bambo-e. Palamra paliuniu Tingwang gu majibo tasise paliu lungchun-ga khaini makbo jengniu, Tingwang niu paliu chunse taniaboga pikhaijiu paliuniu kammak rabose kam mide.

Paliuniu din-e, paliura ningting-e chiudi paliura pang-e. Halan makbo Tingwang tu kahumrabo sung paliuniu halan suibo chamai, maksai thingna, maksai pangen madai thiubo khaoring, maksai paganiu tonjiu tadbo wakhaomeng kamkhai lujiu kahum bamme.