Popular Bible Verses from ROMEMAI 2

Share

Chiudi singna yo, nangniu maidung riga ladjan thiu bambose naronna nariga ladjan thiujiu bambo-e! Tingwang gu ladjan gasu nangra marenlu bui-e chiu maning jiuma? Maksai Tingwang gu kawibo, khengsibo khatdi njangbo situ nangniu suinimak jiuma? Tingwang haira lungsasibo-e chiubo pachangjiu nang sibambo-e, palamra nangniu lungli wangra paniu matanjiu bambo-e.

Singnamai yo, nang maitu ladjan thiujiu ma? Ladjan thiumai khatna tudi kuak khai bira ha-e. Palamra nangniu maitu ladjan thiubo gasu naronna natudi ladjan thiu mide, palamra maitu ladjan thiubo nangniu nalunlung gasu haikumbose kam mibo-e.

Palamra Tingwang niu mai hinatu machamjiu ladjan thiune, pakhuga chamiu-mareng thiubo ha-e.

Palamra Tacheng-tajai chiulu maidungse Tingwang masuangga majibo makge; chiudi Tacheng-tajai majaimai tuse kam maji khaibo-e.

Palamra Tingwang niu mai hinatu, pagu-gu tienkam saisuijiu chaphijeng pikhai rabo-e.

Khangsianiu paliuleng ronna sijiu khatdi kamajibo situ lukhai makjiu kamaobo gase tadjiu bamme; sikumbo mai riga Tingwang niu palungpom nai lungnuat mise runkiu khai rabo-e.

Chiudi nalung tanbo khatdi lukhai nimakbo lungchun siniu, Tingwang gu lungpom khatdi pagu majibo ladjan madupadbo Tingmikga naronna nagu chariubo situ pi nkiu khaijiu bambo-e.