Popular Bible Verses from ROMEMAI 3

Share

Palamra mai hina nuan kam mide, sichiujiu Tingwang gu kendibo gasu paliu diumide. Chiudi Tingwang gu lungsiat sira Khrista Jesu pen ganiu tingtheng karingbo haise matha pikhai-e.

Tingwang niu chamainatu kam maji khaibo haise Jesu Khrista tu malumbo gasu-e. Haise Khrista tu malummai hinatu-e, palamra pakhuga katambo wadi ha-e.

Tingwang niu patu pipad khai bide. Sichiujiu patu malumbo gasu maidung nuanse, paniu shai khaibo gasu kuak khai raleng-e. Tingwang niu haise kambora pase majibo-e chiubo lenkhaibo-e. Karaigara pahai khengsi-e sichiujiu maidung nuanse phui maha khai-e, chiudi tuhoira paniu nuan haitu ladjan thiujiu pase tacheng matipbo-e chiubo lenkhai bide. Haichiujiu Tingwang niu pagu majibose lenkhaijiu Jesu tu malumbo mai hinatu kam maji khai bide.

Palamra Tacheng-tajai majaibo donniu mai khattudi Tingwang suangga kam majikhai makge; delosai Tacheng-tajai hainiu nuan tenmide chiubo sira leng-e.

Masanbo ariakniu dinbo kumjiu, “Tacheng matipbo mai khatnadi ha-e, ningtingmai khatnadi ha-e, maksai Tingwang tu phiumai khatnadi ha-e, Paliu mathiu Tingwang khugasu diu mide; paliu mathiu kamaoboga tadkhai kam mide; kamaji kambo mai ha-e, khatnadi ha-e.

Sijengniu aliuniu lukhaibora, Tacheng-tajai majaibo donniu makjiu malumbo donniu mai khat tuse kam maji khaibo si-e.

Palingjiu sichiu makge! Chamai hinaniu aratjiu bamdi Tingwang ra majibo-e. Masanbo ariakniu dinbo kumme, “Nangniu chalad dinbo gasu majibose lenkhai siakrabo-e; natu madiubo gase ngamkhai siakrabo-e.”