Popular Bible Verses from MARK 13

Share

Mu a za la mipo neko mütü mütsü to, süri hie zo tha thüla tso küyio külayi to.

Münu bayite, khü mu la mu sho ba zoyite, kükrelamori, nekoe di küthice to sü se kümo la.

Süri mi neko züh ta vo neko kha püh mi belü küsüce, nekoe dipüh po teshi, mori, lü teshi küti müdo die ne lü künyi thi hite. Eli bavüdo süo lü npo dipüh pono zi sheli süo poyite; kükrelamori, nekoe mori Kümüsa Rüpü tho po ba zo tila.

Tüko dita to, eli azüko mhapühceri di tayi lho.

Süri tüso süo mu bavüdo süo la zoe Poo zo kümosa tüyo shoyimi mori nuo zori mipühri semo.

Süri neko thüri küthi mu riwhü khü küpo küzüko se küsüce neko lü kühoküro thita hite kükrelamori, mha hikohi vori moyi lho zo tila; süri thülao molu.

Süla neko khü mu la bazo yite, kükrelamori, nekoe ce nyepoo dipüh küthi ce vori tosü se kümo la, thüva to me, müso tülu to me, modie thüvü kükhu to me, küswüho to shi se kümo la. No züh küzülü Pupo mha vori die n ngoyi tamo küto la. Khü mu la ba zoyite, zi küsü hi nekoce ri mu kükreko ce ri mütü po süho.

Sücesü shühye püh shühye püh mütsü, mu küde püh küde püh phimu süri to; mu thüthi kükrekre tiko lü ceyice süto, mu thükre mu kümüzhe kütiko süri to, mha hikohi kümüzhe püh kümüre thi küto thürako zo.

Süsheri züyiküveo püh shühyie mütü ce posü mürato.

Kükrelamori. Thüma kükro aza lün vori die; I no zo; zidie mi kükro shu züh tata to tila.

Süri neko tho ne rüle peyite. Kükrelamori, mi neko tü püh müthikühukolü mu Synagogko lü süto. Mi neko tsali vüto sidie aza la mu puko mhuzülü zhopo püh thi sü küto la mi neko züh die küzhoko mu küdeko ce voto.

Kükrelamori, kücezü Khristako mu kücezü sadzühküseko süri die zasiko mu u malhü mhathoko thi püh mi kato, sidie thiyi küvethe küda küyiko ri shu züh rütse tato.

Süri kümüzhe küti tüsozho süko sa nace zühta to, mu khri ri pu küve khasü mu tato. Mu thümiko rüra tato, sülize tüyo kukuko sü küna vato.