Popular Bible Verses from LUK 12

Share

Norokbo tiyar khe tong di, tamni hwn khe phai glak hwnwi tong phuru’-no Borokni Sajla phai anw.”

Omorokno uansuk yaui Kaitorni hani bagwi se uansuk gra di, hakhe o manwirokno bo norokno ahai’-no rw anw bla.”

Hakhe bo lukuno hai hwnwi sa kha, “Sichaui tong di, podrepot khámaimungrok bai hus khe tong di; tamni hwn khe gwnang phano wng thung rang-rí bai simi borok kaham khe tongwi man ya.”

Tamni hwn ba rang-rí tong thani’-no norokni bwkhabo tongo.”

Norokni bere sabo uansugui ayukni bára tei salsa swk thangwi mannai tong?

Bini sagrirokno Jisu aphuru hai hwnwi sa kha, “Aboni bagwino ang norokno o kók sa-o, tamono cháui thangnai hwnwi ta uana di, tamono kannai tamono chumnai hwnwibo ta uana di.

Norokni bokhorokni bebak bwkhnai suda bo lekhajak. Aboni bagwino ta kiri di; chwrwi kwbángmani slái norok tor kugo.”

“Mera bodol báng ya, norok ta kiri di! Norokni pha bini hano norokni yago rwna muchungjago.

Tokharokno nahar di; bórok maibo sar ya, rabo ra ya; bórokni kairabo kwrwi, mayam nokbo kwrwi; Kaitor bórokno chá rwui tongo. Toksa-toktẃirokni slái norok bwswk se kotor.

Aboni bagwino tamono chánai, tamono nungnai hwnwi uanaui khá ta yok di.

Charani jabra; tini tong khe khwna kwrwi, thapa-o sókjaknai; abono se Kaitor aswk naithok rwui ton khe bo norokno naithok rw glak diba? Norok bwswk se poito kisa gwja!

Kholobwi tonjak phiyokjak anw, kotonwi tonjak sijak anw.