Popular Bible Verses from LUK 13

Share

“Dugar kesep tẃi’-no hapna bagwi káphra di. Ang norokno o kók sa-o, borok kwbángma hapna nai anw, hai phano habwi man glak.

Aro mwtai hamya kolobjak bwrwi khoroksa tongo, a mwtai hamya bono nokha bisi chichar hamya khiklai ton kha. Bo guji khasuk kha, kisicha phano kepleng khe bachaui man ya. Jisu bono nugwi hai hwnwi sa hor kha, “Bwrwima, nwng o hamyani yakni yók kha!”

Ahai hwnwi bo bini sago yak bera kha, hakhe logi logi’-no a bwrwi kepleng khe bachaui Kaitorno lob kha.

Aphuru nai di, tabukni uklokrok swkang wng anw, phiya tabukni swkangrok uklogo klai anw.”

Nokphang bachaui dugar berepnai, hakhe norok phataro bachaui dugar bu-ui ‘Nokphangsa, chwngno dugar phiyogwi rw di,’ hwnwi sa phuru bo hai hwnwi sa anw, ‘Norok buroni ang saui man ya!’

Hai ya! Ang norokno o kók sa-o, sumsok yakar ya khe norokbo bebak’-no abo hai’-no komornai.”

Bo hai’-no hai hai hwnwi sa anw, ‘Norok buroni ang saui man ya. Ani oroni tháng di, chengtarok!’

Jisu hai hwnwi sẃng kha, “Kaitorni ha bubo tẃi? Ang abono tamo bai sunai? Omo horua bwchlwi hai se. Borok khoroksa abono bini bari-o kái kha. A bwchlwi achaiwi torwi-logwi buphang wng kha. Hakhe toksa-toktẃirok bini bedego bothop thum phai kha.”