Popular Bible Verses from LUK 14

Share

“Ani thani phainai borok bo buma-bupha, bihik-bwsa, takhuk-bukhuk phiya sakno suda khibi ya khe ani sagri wngwi man ya.

Sakni krusno balwi ani logi phai ya khe a borok ani sagri wngwi man ya.

Tamni hwn ba kotor wngna sadinai borok bo kotoi snamjaknai; phiya kotoi wngna sadinai borok bo kotor snamjaknai.”

Omo tẃi kheno tong kwrwi khibi ya khe norokni bisingo khoroksa phano ani sagri wngwi man glak.”

Norokni bisingo khoroksa swk nok kuchuk tongna khe bo a samungno bini yago tongma rang bai paiwi da mano hwnwi uansugui lekha granai. Wng ya khe nokthai simi lu baiwi a nokno paiwi man ya khe abono nuknairok jotono hai hwnwi saui mwnwinai, ‘O borok cheng hwnwi le cheng kha, pái se man ti li ya.’

Nwng panda achuk rw khe aro bigra, kompa, khora, phularokno se kobok di. Hakhe nwng hamchanai, tamni hwn khe bórok le nono abono su-ui man phi glak, borok kahamrok thangwi bacha phuru nwng Kaitor bai sujaknai.”

“Sóm manwi kaham’-no, phiya pab ya wngwi tháng khe abono pab rw phinani tei lama kwrwi. Abo khetobo samung nang li ya, nokbra-obo samung nang li ya; abo khibiui rwjago. Khunju tong kheba o kókno khna di.”