Popular Bible Verses from OTSAK 1

Share

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

Jishuna hānga, “Atam angarit chi Avāna a khalattawui sāshap eina retkahaina, chi nathumna theikapai maningmana.

Ana athumli ngasopamda leilakha, Jerusalemwui eina mathuihaila Avāva̱na ngashitmi kahai chi honpamsā khavai hithada hānga, “Nathumna iwui eina shāhaira, kaja Johnna tara̱ eina ra̱hikmi kha ara masāngla nathumli Manglā Kathara eina ra̱hikmira.”

Ana thikahaiwui thili zimiksho hangmati thangwui alungli athumli rāsamphangda apong kachungkha eina a ringda lei kaji tharzā eina azak eina chithei. Athumna ali mik eina thei kala ana athumli ngazekta Vare wungramwui pongli tamchithei.

Hi hānghailaga athumwui miktāli ali khuikāhaowa, kala muiyāna tākhaluikhuida chiwui alungli shimānhaowa.

Ana kakā chi athumna yangda leilakha, yanglu, kachon kachara khangavai mayarnao khanina athumwui ngalemli nganingda hānga; “Galileenaobing, nathum kachiwui vang eina kazingramli ngashānkhayangkhala? Nathumwui eina kazingramli khuikā kahai Jishu hi, arui kazingli khuikakā kathei hi tākam eina ana latrāluira.”