Popular Bible Verses from OTSAK 2

Share

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

Athumna paokazatbingwui tamkachitheilila, ngarumsakla, kala khamui shaikhangarum eina seihā kasālila ningtumlak eina sakruma.

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

Kashuirak eina masi panglāk eina kaphan thada akhon akha kazingramwui eina tālaga athumna pamkasa shim chi pemtinghaowa. Kala malezak kakhui meiwon thada rāda mi kachiva̱wuitungli rāsāza̱mi. Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

Thangkachida khorumshimli kāngarumda athumwui shimli khamuila shaingarumda shaohaha phazāngarumchinga. Kala Vareli sochikatta mi saikorana ngahānngai. Huimi kahai mi Prohona athumli thangthang ngarumsangmichinga.

Varena hānga, khanaowa zimiksholi ina hi shokngasakra: Kaja mi saikorali iwui manglā heirorra, kala nathumwui naomayarabing eina naongalāva̱bingna marānra, mahākhami nathumwui khanuithotna theira, kala ararnaobingna mang shimanra

Shitkasanga saikora akha sāda ot saikora ngaraichāda sāngarumsai. Athumwui khalalei lan, thongthāng saikora yorhaida kachikathāthā khavātabing saikorali ngayarmi.

Kala Prohowui mingli khangakao mi kachiva̱ makahatlakla kahui samphangra.

zimikla tangkhamang onngasakhaora, kachāngla ashee onhaora, Prohowui hakkhamahā tekhamatei zimiksho chi marāranglakha.