Popular Bible Verses from LUKE 14

Share

“Nyi küsüküsü nga hi vü ru taji ma mpa ma pa thi ma zah thi ma vüvüh thi atsari ajienüri thi atsevühri, thi jümpa mükünyu ma mpa ma kürhowienga mükürüpa nüh müsa thuoüji ma nü eh sehnyi müsatse.

Küsüküsü nga ma mpa ma khieluothso mükha nüh eh se nyi thuoüji eh sehnyiri müsatse.

Küpakenühnyunü anyi küsüküsü nga ma mpa ma saküjikütseri aveh thuoüji saküza mütü naveh, thitü anyiküsüküsü nga mampa ma saküza kütseri thuoüji saküjitsü naveh, ti küza.

Jükenüh nohri küsüküsü nga ma zhi aveh jam thuoüji eh sehnyi müsatse ta küsa Jisu nüh sehkhe zhü phratetsü.

“Nohri wuori nüh khajie küriengüvü thawa nüh shupe taji küzake wa naveh nüh ti kürüh nyutü jüma sawajura na ünü nyu nüh ta mükümüshewa thawa peveh lo? Jütanyu thuoüji ma tü alope sasa taji sawamüjura thuoüji nyiri jü künguri aveh nüh ma riesanaveh. Thi nyi hama tü sa nta sanü müsaju nüh samüthuoh taküza naveh.

Thitü noh nyuri sietsazhu nta thuoüji kümükhuori, ajikekümüsüri, kürhomükümühieri, thi nothaküüjuri ji luo, jütathuoüji no akütsia vüra naveh, küpakenühnyunü mari tü no mütho müsalera; thi künyitsari rhole küsüravü no mütho wa tsü le naveh,” ti küza.

“Mütsü tü mühiemü, thitü ma küshewa münyie thuoüji mowa nüh vi saküshe le naveh lo? Jümatü azhih kenüh nga thi wihrüza kenüh nga kümühiemünyiethuoh. Thi nyiri nüh jümatü jamünathuoh. Khüna peh nü küünari nü künaluo,” ti küza.