Popular Bible Verses from Ḳhurúj 15

Share

ki Agar tú dil lagákar ḲHUDáWAND apne Ḳhudá kí bát sune, aur wuhí kám kare jo us kí nazar meṉ bhalá hai, aur us ke hukmoṉ ko máne, aur us ke áín par ‘amal kare, to maiṉ un bímáríoṉ meṉ se, jo maiṉ ne Misríoṉ par bhejíṉ, tujh par koí na bhejúṉgá; kyúṉki maiṉ ḲHUDáWAND terá sháfí húṉ.

ḲHUDáWAND merá zor aur rág hai, wuhí merí naját bhí ṭhahrá. Wuh merá Ḳhudá hai, maiṉ us kí baṛáí karúngá; Wuh mere báp ká Ḳhudá hai, maiṉ us kí buzurgí karúṉgá.

Ma‘búdoṉ meṉ, ai ḲHUDáWAND, terí mánind kaun hai? Kaun hai, jo terí mánind apne taqaddus ke bá‘is jalálí Aur apní madh ke sabab se ru‘bwálá aur sáhib i karámát hai?

Apní rahmat se tú ne un logoṉ kí, jin ko tú ne ḳhalásí baḳhshí, rahnumáí kí: Aur apne zor se tú un ko apne muqaddas makán ko le chalá hai.

Aur jab wuh Márah meṉ áe, to Márah ká pání pí na sake, kyúṉki wuh kaṛwá thá. Isí liye us jagah ká nám Márah paṛ gayá. Tab wuh log Músá par buṛbuṛakar kahne lage, ki Ham kyá píeṉ? Us ne ḲHUDáWAND se faryád kí: ḲHUDáWAND ne use ek peṛ dikháyá, jise jab us ne pání meṉ ḍálá to pání míṭhá ho gayá; wahíṉ ḲHUDáWAND ne un ke liye ek áín aur sharí‘at banáí, aur wahíṉ yih kahkar un kí ázmáish kí